STELLALANDER-WOLMARANSSTAD: Die Houmoed VLU-tak het onlangs ’n betowerende oggend by ’n pragtige kwekery in Wolmaransstad deurgebring as deel van hul landbou- en tuinbouvergadering. Onder ’n helder son en tussen bont blomme het die dames die geleentheid geniet om saam te kuier, te leer en inspirasie te put uit die natuur om hulle. 
Sarie van den Berg, eienaar van die kwekery, het haar inspirerende lewensverhaal met die groep gedeel. Ná jare in die onderwys het sy ’n nuwe roeping gevind in tuinbou, wat volgens haar nie net plante laat groei nie, maar ook mense. “Tuinmaak gee jou tyd vir jouself, voed jou siel en help jou om stres te verlig,” het sy verduidelik.

STELLALANDER-GANYESA: The Acting Provincial Police Commissioner of the North West, Major General (Dr) Ryno Naidoo, has expressed deep sadness following the murder of Constable Boikanyo Molale, whose lifeless body was discovered at around 05:30 on Saturday, 25 October 2025, in Thokoza Section, Ganyesa, near Vryburg. 
Preliminary investigations indicate that the 30-year-old officer, who was attached to Ganyesa Visible Policing, was assaulted by an unknown number of suspects.

STELLALANDER-STELLA: Die gewilde Stella Slagos en Stella Interras-slaglamkompetisie het op 14 en 15 Oktober by die veilingskrale in Stella plaasgevind en weereens groot belangstelling uit die gemeenskap gelok. Op Dinsdag, 14 Oktober, is 220 lammers en 125 osse ingeweeg, waarna die beoordeling van die lammers op die hoef gedoen is. 
Die Superlam op die hoef is gewen deur Ina Mentz van Stella met ’n Ille de France, terwyl André Bezuidenhout die Reserwe Superlam-titel met nog ’n Ille de France verower het. Die algehele wenner van die Interras-slaglam op die hoef was JJ Botha van Piet Plessis met ’n Dorper/Ille de France-kruising, en die Reserwe Interras-slaglam is aan Boytjie Crispin toegeken.

STELLALANDER-VRYBURG: Vryburg se karateka’s het die afgelope naweek weer gewys waarvan hulle gemaak is tydens ’n kampioenskapstoernooi in Heidelberg, Gauteng. Al die deelnemers het met medaljes huis toe gekom, ’n bewys van die hoë standaard van karate in die dorp.