STELLALANDER-TLAKGAMENG: William Harvey van Harvey Cattle Ranches in die Tlakgameng-boeregemeenskap het Donderdag, 28 Augustus, die hoogste eer ontvang toe hy as AgriNW se Jongboer van die Jaar 2025 aangewys is.
Harvey sê die toekenning was vir hom ’n groot verrassing: “Die ander twee finaliste is fantastiese jongboere met indrukwekkende bedrywe. Dit is ’n eer om saam met hulle genoem te word,” het hy nederig vertel. Vir Harvey is beesboerdery ’n erfenis wat diep in sy bloed loop. Hy is grootgemaak in ’n familie waar boerdery meer as net ’n beroep was, dit was ’n leefstyl. Sy pa Keith, oupa Willy en oom Neil Harvey was nie net mentors nie, maar rolmodelle van eerlikheid, goedheid en harde werk wat hom die pad van boer laat kies het. By Harvey Cattle Ranches word daar met Bovelder-beeste geboer.
Bray-gemeenskap staan saam vir ‘n skoon dorp
STELLALANDER-BRAY: Die klein grensdorpie Bray, het die afgelope week bewys dat gemeenskapsamewerking wondere kan verrig.
Klein Liam klop breinkanker – ’n ware wonderwerk
STELLALANDER-OTTOSDAL: Na ’n jaar lange stryd teen kanker het vyfjarige Liam Jacobs van Ottosdal onlangs sy laaste behandeling voltooi.
Op 11 Augustus het hy die simboliese klok gelui nadat hy 29 sessies radiasie en ses maande se weeklikse chemoterapie suksesvol afgehandel het. Liam is in Julie 2024 met stadium 4-medulloblastoma, ’n aggressiewe vorm van breinkanker wat ook na sy spinale koord versprei het, gediagnoseer. Dokters het destyds voorspel dat hy binne ses maande nie meer sou kon loop nie. ’n Gewas op sy oogsenuwee het hulle boonop laat vermoed dat sy sig aangetas is. Maar Liam het mediese verwagtinge getrotseer.
North West launches inaugural FET Spelling Bee to promote multilingual excellence
STELLALANDER-VRYBURG: The North West Department of Education, in collaboration with North West University (NWU) Mahikeng Campus, hosted the province’s first-ever FET Phase Spelling Bee Competition on Saturday, 16 August 2025.
Conducted in English, Afrikaans, and Setswana, the event brought together 100 high school learners from across the province, each selected through their schools to represent their districts.
Jong tennistalent triomfeer by toernooi
STELLALANDER-VRYBURG: Die Rainbow Kids-toernooi van Tennis Suid-Afrika (TSA) is Saterdag, 16 Augustus, by die Ramblers Tennisklub in Vryburg deur Tennetics Tennis Akademie aangebied.
Jong spelers onder die ouderdom van 10 jaar van Kuruman, Hartswater, Botswana en Vryburg het met groot entoesiasme aan die enkel- en dubbelwedstryde deelgeneem. In die oranjebal-afdeling het almal medaljes ontvang, terwyl die groenbal-afdeling uitsonderlike prestasies uitgelig het.
More Articles …
