Klerksdorp Rekord, Klerksdorp - Die hele Matlosana Mall is Dinsdagmiddag 7 November ontruim nadat ‘n brand by ‘n wegneemrestaurant uitgebreek het.
Die sentrum was vir sowat vier ure gesluit. Die brand het omstreeks 13:45 in die King Pie aan die kant van Checkers uitgebreek. Klerksdorp Rekord het gehoor olie het aan die brand geraak in een van die diepbraaiers. Niemand is beseer nie, maar van die mense is behandel vir rookinaseming. Al die winkels om dié winkel kon laatmiddag weer oopmaak.
Inwoners kan afslag kry op rekeninge, maar munisipaliteit sloer
Klerksdorp Rekord, Klerksdorp - AfriForum het vrae oor waarom die Matlosana Munisipaliteit nog nie sy kortingsbeleid geïmplementeer het nie. Dié beleid beloon inwoners wat hul diensterekening betyds en volledig vereffen met 10% afslag.
Volgens Theo Gresse, voorsitter van die Klerksdorp-tak, is die beleid al maande terug goedgekeur saam met die munisipaliteit se 2023/-24 begroting.
Kleuterskole kort beter regulering, sê VF Plus
Klerksdorp Rekord, Orkney - Die VF Plus in die Kenneth Kaunda-distriksmunisipaliteit het tydens ʼn raadsvergadering einde Oktober daarop aangedring dat bywette oor die regulering van kleuterskole en dagsorgsentrums wat reeds in Oktober 2022 opgestel is, dringend voor die raad moet dien vir goedkeuring en promulgering.
Rdl Mariska Oosthuizen-Van Tonder sê volgens die munisipaliteit se eie statistiek voldoen 46% van baba- en kleutersorggeriewe in die gebied nie aan veiligheidsvereistes nie. “Wetstoepassing is dringend nodig.
Is dit die einde van regstellende aksie?
Klerksdorp Rekord, Klerksdorp - Solidariteit se ooreenkoms met die regering vroeër vanjaar oor rasbeleide is op 31 Oktober ‘n hofbevel gemaak in die Arbeidshof in Johannesburg.
Volgens Dirk Hermann, bestuurshoof: Solidariteit, volg die ooreenkoms nadat Solidariteit ʼn klag by die Internasionale Arbeidsorganisasie (IAO), ʼn agentskap van die Verenigde Nasies (VN), teen die regering se rigiede rassebenadering gelê het.
Buurman skuldig aan ouma se moord
Klerksdorp Rekord, Orkney - ‘n Man van Orkney is verlede week skuldig bevind aan die moord op sy bejaarde buurvrou meer as sewe jaar gelede.
Jan Rheeders wat aanvanklik gedink het hy het weggekom met die moord in 2016 nadat die moordsaak teen hom teruggetrek is, is aan die begin van die jaar weer gedagvaar om in Februarie in die hof te verskyn. Hy is Vrydag 27 Oktober in die rondgaande hof skuldig bevind aan die moord op die 89-jarige Annatjie Kruger.
Die moord op die geliefde ouma op Moedersdag in 2016 het die gemeenskap geruk. Haar liggaam, geklee in kerkklere, is op die vloer van haar slaapkamer aangetref. Haar dogter en kleindogter het onraad vermoed toe hulle haar nie in die hande kon kry om ‘n gelukkige Moedersdag toe te wens nie. Sy het ook nie by die kerk opgedaag nie en 17:00 is die skok ontdekking gedoen toe die polisie na haar woonstel ontbied is. Sy het ‘n snywond aan haar keel gehad.
More Articles …
