Klerksdorp Rekord, Klerksdorp - Noordwes is as die Provinsie van die Jaar aangewys deur Jukskei SA.
Dié provinsie kon vanjaar vol spanne by alle toernooie inskryf en het baie goeie uitslae behaal.
Die Noordwes-bestuur is op finansies, admin, juniors, akademie, sosiale media ens beoordeel en het met vlieënde vaandels geslaag.
Volgens André Ross, president NW, is hy dankbaar vir elkeen wat deel is van die provinsie. “Ons is bekend as die gemaklikste en lekkerste sosiale unie. Agter die skerms is ook harde werk met die stadsraad en sportraad gedoen."
Hy bedank elkeen wat help om die bane en geriewe op standaard te hou en so ook die wat altyd daar is om te help met sosiale toernooie, van kosmaak, reëlings, borge en ondersteuning.
