Klerksdorp Midweek, Klerksdorp - Die kunstenaars wat verlede jaar by die Opskopfees Piet Retief opgetree het, kom kuier op 4 Oktober by Mayfair Village op die R30 tussen Klerksdorp en Orkney. Volgens die organiseerder, Audrey
Bierman, sal daar van dieselfde kunstenaars wees wat op Piet Retief opgetree het, maar “ons wil dit darem ook interessant en opwindend hou” en is daar ook nuwe stemme. Wie is by die fees in Klerksdorp? Steve Hofmeyr en Ralph Michielsen sal optree en Steve bring sy Mambatoer. BBP-tafels kos R3 000 elk (10 persone) wat hul eie verversings mag inbring en ook ‘n geskenk insluit. Besprekings by Audrey, 076 862 3291. Gewone kaartjies is beskikbaar by Bosveld Slaghuis teen R200 elk (kinders 2-12 en Sassa-pensioenarisse slegs R100). Die deure sal om 18:00 open en ‘n kontantkroeg en verversings sal te koop wees.
