Die jaarlikse Wêreldbiddag vir vroue is op Vrydag 7 Maart in die NG Kerk La-Hoff gehou. Hierdie was ‘n spesiale geleentheid, aangesien dit die 60ste herdenking van die biddag was. Die tema was “U het my volmaak geskape”, met ds Andrea Muller wat uit Psalm 139 gelees en ‘n treffende boodskap gelewer het.
Die vroue van Cook Eilande was prioriteit op die gebedslys en vroue van verskeie denominasies in die Kosh-gebied het saamgebid.
Daar is verskillende kossoorte en dekor uitgestal van die eilande, en vroue kon na die verrigtinge ‘n heerlike koppie koffie en varsgebakte koekies, wat by die tema gepas het, geniet.
Verskeie Klerksdorpse skole het ook biddag vir vroue-byeenkomste gehou. Magda Lourens het die byeenkoms by NG Kerk La-Hoff bygewoon en die foto’s geneem.
