GEMSBOK-UPINGTON: Noord-Kaapse Provinsiale Tesourie-begroting is onlangs deur LUR Venus Blennies by die Noord-Kaapse Provinsiale Wetgewer ter tafel gelê
Die Provinsiale Tesourie se 2024/25-begroting beloop R395 miljoen, wat ‘n 11%-verhoging vanaf verlede jaar is.
Blennies het gesê hierdie begroting beliggaam hul verbintenis tot fiskale dissipline, goeie bestuur en volhoubare ekonomiese groei vir die Noord-Kaap.
• Administrasie (R176 miljoen): Versterking van administratiewe leierskap, vul vakante poste, en ondersteuning van die departement se bedrywighede
.
• Volhoubare fiskale bestuur (R53 miljoen): stroomlyn hulpbronne deur ondoeltreffendheid te identifiseer en onnodige besteding uit te skakel.
• Voorsieningsketting, bates en laste (R41 miljoen): Verseker deursigtige verkryging, gesonde batebestuur en robuuste finansiële stelsels.
• Finansiële Bestuur (R27 miljoen): Verbeter oudituitkomste en bevordering van aanspreeklikheid oor alle departemente heen.
• Munisipale Finansies (R57 miljoen): Ondersteun munisipaliteite met gefokusde intervensies deur Operation Clean Audit Champions om finansiële bestuur te verbeter.
• Interne Oudit (R39 miljoen): Versterking van bestuur, risikobestuur en interne beheermaatreëls om groter doeltreffendheid en nakoming te verseker.
Ten spyte van fiskale uitdagings, insluitend ‘n vermindering van R1,6 miljard oor drie jaar, bly ons standvastig in die herbou van fiskale buffers en stabilisering van skuld.
Die departement het vanjaar R6,16 miljard aan openbare verkryging bestee, met R619 miljoen wat aan ondernemings in vrouebesit gaan, R222 miljoen aan die jeug, en R9 miljoen aan mense met gestremdhede, wat plaaslike ondernemings bemagtig en inklusiewe groei aandryf.
“Saam handhaaf ons goeie bestuur, aanspreeklikheid en deursigtigheid vir ‘n helderder, meer welvarende Noord-Kaap,” het Blennies gesê.
