GEMSBOK-UPINGTON: Die Hooggeregshof van Suid-Afrika, Noord-Kaapse Afdeling, sittende as ‘n rondgaande hof in Upington, het drie individue skuldig bevind in verband met die wrede moord en roof van die 71-jarige afgetrede sakevrou, Judith Redelinghuys.
Die voorval het plaasgevind tydens die COVID-19-harde inperking in Junie 2020 by haar woning in ‘n veilige behui- singskompleks in Upington.
Die beskuldigdes – Tumelo Mavlenter Sotho (Beskuldigde 1), Martatjie Engelbrecht (Beskuldigde 2), en Nkosinathi Ntombela (Beskuldigde 3) – het aanklagte van roof met verswarende omstandighede, moord en regsverydeling in die gesig gestaar.
Na ‘n deeglike en komplekse verhoor is Sotho en Ntombela skuldig bevind aan beide roof met verswarende omstandighede en moord.
Engelbrecht is skuldig bevind aan medepligtigheid aan beide misdade, maar is vrygespreek op die aanklag van regsverydeling.
Redelinghuys is op 30 Junie 2020 in haar huis, vermoor, ontdek.
Haar liggaam is in haar swembad gevind, met haar hande agter haar rug vasgebind.
Verskeie van haar uniek ontwerpte juwe- liersware is as vermis aangemeld.
‘n Deurbraak in die saak het gekom toe Ntombela een van die gesteelde ringe verkoop het.
Engelbrecht het destyds die polisie mislei deur te beweer dat die ring hare was, en ‘n beëdigde verklaring te dien effekte afgelê, wat aanvanklik tot Ntombela se vrylating gelei het.
Verdere ondersoek het egter aan die lig gebring dat die ring op maat gemaak is vir die oorledene in Kaapstad, wat gelei het tot Ntombela se her-inhegtenisneming en later Engelbrecht se inhegtenisneming.
Bewyse het ook aan die lig gebring dat Sotho, wat in dieselfde kompleks gewerk het, die vertroue van die slagoffer mettertyd gewen het, wat die beplanning en uitvoering van die rooftog vergemaklik het.
Die Staat, verteenwoordig deur advokaat Jaques Rosenberg en advokaat Terché Engel- brecht, het oortuigende bewyse aangebied, in-
sluitend ooggetuienisse en selfoonopsporingsdata wat die beskuldigdes op die toneel geplaas het.
Die vervolging het borgtog suksesvol teen-gestaan, en al drie beskuldigdes het dwarsdeur die verhoor in aanhouding gebly.
Die saak is uitgestel tot 3–5 September 2025 vir vonnisoplegging in die Hooggeregshof, Upington-kring.
Die Nasionale Vervolgingsgesag (NVG) verwelkom die skuldigbevindings en prys die vervolgingspan, SAPD-ondersoekers en alle getuies vir hul toewyding om geregtigheid in hierdie gruwelike misdaad te verseker.
Die NVG herhaal dat die heiligheid van mens-like lewe van die allergrootste belang is, en bly daartoe verbind om geregtigheid kragtig na te streef om geweldsmisdade, veral teen die kwesbares, af te skrik.
