Tydens die Nasionale Ruiterkunsproewe wat in Februarie in Riversdal gehou is, is ’n jong junior Proteaspan gekies om Suid-Afrika te verteenwoordig in ’n internasionale ruiterkunskompetisie in die VSA.
Twee leerlinge van Hoërskool Duineveld, Nicola van Zyl en Marné Compion, is met trots ingesluit in die span van agt lede.
Die kompetisie, wat in Oktober in New Orleans plaasgevind het, het twee divisies behels: die driegang- en vyfgang divisies.
Nicola het daarin geslaag om in beide divisies deel te neem, terwyl Marné in die driegang-divisie opgeneem is.
Die toer na die VSA het afgeskop met besoeke aan verskeie perdryfasiliteite, insluitend die stalle waar die wenners van die Nasionale Wêreldkampioenskappe gehuisves word.
Die kompetisie self het oor twee dae gestrek, waar ruiters van Suid-Afrika en die VSA op verskeie perde meegeding het.
Die ruiters neem nie individueel deelneem nie, maar alle punte word in spanverband bereken, wat spanwerk en strategie beklemtoon.
Ruiters moes vinnig aanpas by die vreemde perde en beperkte tyd gehad om die patrone te leer en te oefen.
Die Junior Proteaspan het uitmuntend presteer deur goud te verower in die vyfgang-divisie en silwer in die driegang-divisie – ’n ongelooflike prestasie teenoor die beste van die VSA, beoordeel deur ’n paneel van Amerikaanse beoordelaars.
Dit maak hierdie prestasie soveel meer merkwaardig.
Saddle Seat South Africa, die nasionale sportorganisasie, spreek hul trots uit oor die span se prestasie en wens alle ruiters, ouers en afrigters geluk wat deel van hierdie suksesvolle toer was.
Die naam van Suid-Afrika skyn helder op die internasionale verhoog en Nicola en Marné het hulself, hul skool en hul land met onderskeiding verteenwoordig.
