So besig soos ‘n by, so toegewyd soos ‘n swemmer, en so helder soos Upington Swemklub. Die Vrydag van die 18de het ons “geesvang” gala plaasgevind.
Op daardie sonnige Vrydag het ons alle plaaslike inwoners verwelkom om te kom swem en toeskou!
Toeskouers kon waarneem hoe deelnemers mekaar ondersteun en aanmoedig. So het elke item nie net met n glimlag begin nie, maar ook met een afgesluit.
Hulle het selfs 25 meter-byeenkomste gehad wat hulle LTS-kinders die kans gegee het om te wys hoe dit gedoen word!
Met baie gees, spanbou en lag het die naweek op ‘n goeie noot begin.
Kant en klaar het die swemmers “Age group 1”, op 19 Oktober aangepak.
By Age group 1 was daar swemmers van Prieska en Kakamas wat ook kom swem het. En tussen al die deelnemers is daar 51 van die swemmers se persoonlike beste tye verbeter van laas seisoen af.
Dan is die Upington swemklub ook trots om hulle nuwe kapteine en onderkapteine vir die seisoen aan te kondig.
Die kapteine is Douw Steyl en Cara Fourie en onderkapteine is Arno Boshoff en Nieke Engelbrecht.
