Klerksdorp Rekord, Kroonstad - Die SA Senior Jukskeikampioenskap is van 22-24 Maart in die Vrystaat gehou.

Nege provinsies en 18 distrikte het deelgeneem. Noordwes het met 32 spelers sy man gestaan en algeheel tweede geëindig. Gauteng-Noord het eerste geëindig en Oos-Gauteng derde.

Klerksdorp Rekord, Klerksdorp - Die Matlosana Bird Parkrun is ‘n instelling op Saterdae en deelnemers stroom na die gebied in Readmanstraat.

Parkrun is nie net vir atlete nie: dit is vir almal van groot tot klein, jonk en oud, lank en kort, man en vrou en vir alle kulture van die reënboognasie.

Jy kan die Parkrun hardloop, draf of stap. Ouers kan hul klein kinders in ‘n stootwaentjie saamneem. 

Klerksdorp Rekord, Klerksdorp - Die plaaslike marathonklub het ‘n pasta-aand gehou vir atlete wat die Twee Oseane Marathon gaan aanpak.

Liefie Day hardloop vanjaar haar 10de ultramarathon wat 56km lank is. 

Die klub is trots op die meeste beginners nog vir die 56km-wedloop met 18 atlete. Die klub sal 52 atlete in die twee wedlope hê. 

Klerksdorp Rekord, Klerksdorp - Albei KHS se rugbyspanne wat aan die NTK Bosveldweek in Modimolle deelgeneem het, het vandeesweek as wenners van die kompetisie na Klerksdorp teruggekeer.

Die o/14s en o/15s het op Maandag 25 Maart in die finaal gespeel. Albei spanne het teen hul eweknieë van Ellisras uitgedraf. Die o/14s se teenstanders het nie hond haaraf gemaak nie en die jong KHSers het met 47-0 gewen. Die ouer span het hul opponente met 20-5 gewen.

In totaal het 18 spanne van 9 vooraanstaande skole regoor die land aan die rugbyweek deelgeneem wat skole insluit soos Curro Heuwelkruin (Polokwane), Curro Hazeldean (Pretoria), Hoërskool Dinamika (Alberton), Hoërskool Ellisras, Hoërskool Piet Potgieter (Mokopane), Hoërskool Wagpos (Brits), Hoërskool Wolmaransstad en Hoërskool Nylstroom.

Nog ‘n veer in die hoed vir KHS is dat die trofeë vir beste voorspeler en agterspeler vir die week terugkom na die skool se trofeekas. Juan Booysen is as beste voorspeler aangewys en Johan van Moltke is beste agterspeler.