GEMSBOK-SPRINGBOK: Die |Ai-|Ais/Richtersveld Oorgrenspark het internasionale museumdag gevier deur saam met die Departement van Landbou, Omgewingsake, Landelike Ontwikkeling en Grondhervorming (DAERL) en die Skilpadbewaring (Internasionale bewaringsorganisasie) by Johan Hein Laerskool te werk.
Die program het gefokus op bewaring en die bevordering van die Nama-taal.
Internasionale Museumdag, wat jaarliks op 18 Mei gevier word, dien as ‘n wêreldwye platform om bewustheid te verhoog oor die transforme-rende rolle wat museums in die samelewing speel. Die tema vir 2025: “Die Toekoms van Museums in Vinnig Veranderende Gemeenskappe,” beklemtoon die behoefte vir universiteitsmuseums om aan te pas en te floreer in ‘n wêreld wat gevorm word deur vinnige sosiale, tegnologiese en kulturele verskuiwings.
Die Internasionale Museumdag in die Richtersveld is deur die leerders aangevul met kulturele danse, gedigte en liedjies in Nama-taal.
Die ouer mense van die gemeenskap het ook bygedra deur Nama-liedjies te sing om hul plaaslike skool te ondersteun en hul dankbaarheid teenoor die skenkers te toon. Die |Ai-|Ais/Richtersveld Oorgrenspark het die inisiatief verwelkom om hande te vat in bewaringsprojekte soos hierdie, wat die Nama-kultuur as ‘n lewende museum van die Richtersveld onderstreep.
