GEMSBOK-NAKOP: Kolonel Eugene van Kratenberg, die Suid-Afrikaanse Polisiediens (SAPD) se be-velvoerder by die Nakop-grenspos tussen Namibië (Ariamsvlei) en Suid-Afrika (N10 van Upington), het onlangs die krag van liefdadigheid en deernis gedemonstreer, toe hy meer as net sy plig gedoen het om ‘n gestremde man in nood te help.
Volgens ‘n Noord-Kaapse polisiewoordvoerder, sers Omphile Masegela, het Van Kratenberg uitgevind van die gestremde bejaarde man, wat in ‘n sinkhuisie in die Morning Glory-area woon.
Die man se gebrek aan beweeglikheid het hom hulpeloos gelaat, beperk tot sy beskeie woning.
Die situasie het Van Kratenberg diep geraak en hy het besluit om tot aksie oor te gaan.
Hy het na die Departement van Maatskaplike Ontwikkeling uitgereik en dringend bystand vir die bejaarde man versoek.
Die departement het gereageer deur ’n rolstoel aan die dankbare ontvanger te skenk.
Maatskaplike werkers het ook ‘n deeglike assessering gedoen - om te verseker dat verdere hulp by die man se spesifieke behoeftes aangepas sal word.
Van Kratenberg het sy dankbaarheid uitgespreek en erken die vinnige reaksie van die distriksdirekteur van ZF Mgcawu, Godfrey Mjezu, en sy personeel - om die bejaarde man, wat verheug was met dankbaarheid oor die ontvangs van die rolstoel, by te staan.
Hy het die universele waarheid beklemtoon dat hoewel ons dalk nie almal kan help nie, elkeen van ons die mag het om ‘n verskil in iemand se lewe te maak.
“Liefdadigheid is ‘n hoogste deug en ‘n groot kanaal waardeur die genade van God aan die mensdom oorgedra word. Met liefdadigheid gee ons liefde, wat ’n Bybelse oproep van God is.” sê hy.
Soos die Bybelse oproep tot liefde resoneer, is Van Kratenberg se optrede ‘n voorbeeld van die genade van God wat aan die mensdom oorgedra is deur dade van vriendelikheid en deernis.
