GEMSBOK-UPINGTON: Die polisie in Upington ondersoek ‘n saak van die afvuur van ‘n vuurwapen in die openbaar, nadat twee mans na bewering skote afgevuur het by die musiekvertoning in Upington op Sondag 15 Junie 2025.
‘n Ooggetuie het die polisie in kennis gestel, en nadat hulle die inligting opgevolg het, het hulle twee mans van 34 en 36 jaar oud in hegtenis geneem.
Die vuurwapen is gekonfiskeer vir verdere ondersoek, en geen beserings is aangemeld nie.
Die duo sal na verwagting binnekort in die hof verskyn.
