Fields marked with an asterisk (*) are required.
Name *
Username *
Password *
Verify password *
Email *
Verify email *

School News
Typography
  • Smaller Small Medium Big Bigger
  • Default Helvetica Segoe Georgia Times

GEMSBOK-BLOEMFONTEIN: Anri Coetzee, (nee Strauss), matriekklas van 2000, is onlangs in Bloemfontein aangewys as provinsiale wenner: Uitnemendheid in Onderwys vir Landbouvakke.
Anri is genomineer deur een van haar kollegas by Landbouskool Hendrik Potgieter op Reddersburg.  Haar eerste aanbieding was in Junie vanjaar.  Tydens die distrik prysuitdeling by Gariepdam, is sy aangewys as die distrikwenner vir die kategorie: Uitnemendheid in Onderwys vir Landbouvakke.

 
Sy het deurgedring na die provinisiale rondte en is as die provinisiale wenner aangewys. Haar toewyding, kreatiwiteit en hardwerkendheid het die deurslag gegee. Sy streef daarna om elke landbouleerder toe te rus om na skool in 'n werk te kan instap, om skape te skeer of wol te klas.  Die twee vaardighede word as buitemuurse bedrywigheid aangebied waar kinders kan deelneem in plaas van sport.
Boere in die Reddersburg omgewing is positief ingestel teen Landbouskool Hendrik Potgieter.  Die skool het geen plaas en skape van hul eie nie.  Indien leerders byvoorbeeld ‘n skaaphanteringkursus moet voltooi, leen hul skape van die omliggende boere vir die dag of die kinders doen die kursus op ‘n plaas in die omgewing.  
Die LUR van die Departement van Onderwys het 'n inisiatief geloots om 450 leerders gratis op te lei in drie verskillende kursusse vir skaapproduksie. Hierdie kursusse is elkeen SAQA geakkrediteer.  Landboukollege Vrystaat is die diensverskaffer en elke leerder ontvang 'n sertifikaat vir elke kursus.
Sy is sedert Januarie 2007 werksaam by Landbouskool Hendrik Potgieter en is as departementshoof aangestel van die Landbou-afdeling in Mei 2021.  Sy is verantwoordelik vir die bestuur van die verskillende afdelings: Tamaties en spinasie in die groentetonnels, asook lêhoenders.  Twee siklusse braaikuikens per jaar.  Die groente, eiers en hoender word aan besighede op die dorp en die publiek verkoop.  Die landbouleerders is daaglikgs betrokke by die versorging van die groente en diere.  Die harde werk het nou vrugte afgewerp!
Vakansies rus sy nie, dan merk sy graad 12 Landbouwetenskap vraestelle. Sy is onlangs aangestel as hoofnasiener van Landbouwetenskap Vraestel 2 in die Vrystaat.