GEMSBOK-SPRINGBOK: Steinkopf Hoërskool (SHS) vier vanjaar haar merkwaardige 80ste bestaansjaar – ’n mylpaal wat herinner aan dekades van volharding, prestasie en gemeenskapsbetrokkenheid.
Sedert haar stigting in 1945 het die skool gegroei van eenvou- dige begin tot ’n trotse instelling wat nie net akademies nie, maar ook in sport en kultuur groot hoogtes bereik het.
Oor die jare het SHS se geboue verander en gegroei: van die vroeë jare in verskeie plekke, na die huidige terrein wat in 1974 betrek is, en later in 1987 uitgebrei is.
Vandag staan die skool as ’n simbool van uitnemendheid en hoop in die gemeenskap.
Die feesjaar is reeds in Oktober 2024 afgeskop met ’n glansryke pre-loodsing gala, en in Maart 2025 is die feesvieringe amptelik van stapel gestuur.
Alumni en vriende van SHS word aange-moedig om ’n 80-jaar gedenkhemp of beker aan te skaf – ’n tasbare herinnering aan hierdie historiese geleentheid.
Die groot feesweek vind plaas van 15 tot 19 Oktober 2025, maar die opwinding begin reeds vroeg met spe-siale geleenthede:
29 Augustus: Skool-sterre skitter – ’n aand van voordrag, drama, sang en dans.
20 September: High Tea – spesiaal vir die skoner geslag.
11 Oktober: Dans vir die ouer geslag met Real Beats.
15 Oktober: Mnr. & Mej. SHS – ons kroon nuwe glansfigure.
16 Oktober: Stem en Klank – kultuur uit die boonste rakke.
17 Oktober: Jongmense kom saam vir ’n leerdersdans (nie net vir SHS nie).
18 Oktober: Die groot feesdag, gevolg deur ’n lekker dans vir volwassenes.
19 Oktober: Die fees sluit af met ’n dankseggingsdiens in die oggend en ’n gratis opelug gospel show in die namiddag.
By elke geleentheid sal daar ook stalle-tjies en verkope wees. Verdere besonderhede sal op die skool se mediaplatforms gedeel word.
Alumni, ouers en gemeenskapslede word hartlik uitgenooi om hierdie gedenkwaardige mylpaal saam te vier.
Laat ons as Steinkopf-gemeenskap hande vat en die 80 jaar van trots, tra-disie en uitnemendheid eer. Kontak SHS vir meer besonderhede: 027 0500 530
Facebook: Steinkopf Hoërskool Facebook Groep
