UPINGTON ‘n Nuwe era van tegnologiese vooruitgang en opvoedkundige ontwikkeling is amptelik ingelui toe die Northern Cape Rural TVET College die stigting van sy Centres of Excellence vir die Fourth Industrial Revolution (4IR) aangekondig het.
Hierdie historiese gebeurtenis is op feestelike wyse gevier tydens ‘n spesiale seremonie wat plaasgevind het by die kollege se kampus in Upington.
Volgens die kollege se prinsipaal, mnr. Percy Sago, is die 4IR-sentrum daarop gemik om studente in die Noord-Kaap blootstelling te gee aan gevorderde tegnologie wat andersins slegs in groot metrogebiede beskikbaar is. Die sentrum sal opleiding aanbied in onder meer:
3D-drukwerk; Robotik. Virtuele Realiteit (VR) Drones en IT-stelsels. Programmering (Coding)
Hierdie ontwikkeling is ‘n reusagtige tree vorentoe vir onderwys in die streek, en plaas Upington stewig op die kaart as ‘n sentrum van tegnologiese uitnemendheid en innovasie.
Die verkoopsbestuurder van Upington Toyota, mnr. Zane Titus, was ook teenwoordig by die seremonie. “Ons is nederig en dankbaar om deel te kon wees van hierdie geskiedkundige dag in ons dorp. Dit bring hoop vir ons jongmense en nuwe geleenthede vir toekomstige generasies,” het hy gesê.
Met hierdie belegging in tegnologie en oplei-ding op wêreldvlak, toon die Noord-Kaap TVET Kollege ‘n vasberadenheid om studente toe te rus vir die eise van die moderne werksplek. Upington staan nie langer op die kantlyn van innovasie nie – ons is nou aan die voorpunt van die Vierde Industriële Revolusie.
