Kletsrymers het die stad die afgelope naweek oorgevat en ‘n storm losgepraat op die verhoog. Artistique Productions het die eerste Neon Fest op Vrydag 3 November by die Portugese Saal aangbied. Dit gaan ‘n jaarlikse gebeurtenis op die stad se vermaakkalender word. Van die land se bekkigste kletsrymers was op die verhoog. Dansers van Replay Dance Studio het ook opgetree. Kletsrymers soos Biggy, Early B, Justin Vega en Van Pletzen het die tonge laat klap.
