GEMSBOK-UPINGTON: Die Dawid Kruiper Munisipaliteit het ‘n dringende persverklaring uitgereik, waarin hy sê dat hy opgemerk het dat lede van die gemeenskap bome in die dorp “en sommige kritieke gebiede sonder die toestemming van die munisipaliteit kap”.
In die persverklaring sê DKM die afkap van bome in ‘n munisipale gebied, sonder toestemming, is onwettig en kan tot aansienlike strawwe lei. Munisipale verordeninge verbied die onwettige kap van bome.
Inwoners moet skriftelike toestemming van die Dawid Kruiper Parke-afdeling verkry, voordat hulle enige boom op openbare eiendom snoei of verwyder. Ongemagtigde boomverwydering kan lei tot boetes, gevangenisstraf en selfs die konfiskering van toerusting wat in die onwettige aktiwiteit gebruik word.
“Bome speel ‘n belangrike rol in die omgewing, deur suurstof te verskaf, luggehalte te verbeter en biodiversiteit te ondersteun. Inwoners kan nie rondloop en enige boom afkap wat hulle wil gebruik nie.” lui die persverklaring.
Die persverklaring gaan voort omte sê “As u onwettige boomkap sien, kan u dit aanmeld by die 24-uur-oproepsentrumnommer van die Dawid Kruiper-munisipaliteit, naamlik (054) 338 7000. Ons het ook ‘n 24-uur WhatsApp-nommer waar u selfs foto’s vir ons kan stuur. Die nommer is 082 042 9991.”
Bome kan slegs verwyder word as hulle ‘n gevaar vir mense of eiendom inhou, en die Dawid Kruiper-munisipaliteit het ‘n proses om hierdie situasies te assesseer voordat die bome verwyder word.
