GEMSBOK-UPINGTON: Verlede Sondag, 12 November is ‘n Herinneringsdiens by die NG Kerk Upington-Wes gehou.
Herinneringsdag (ook bekend as Papawerdag as gevolg van die tradisie om ‘n herdenkingspapawer te dra) is ‘n gedenkdag wat sedert die einde van die Eerste Wêreldoorlog in lidlande van die Statebond waargeneem word om gewapende magte te vereer wat in die uitvoering van hul pligte gesterf het. In die meeste lande word Herinneringsdag op 11 November of die Sondag naaste aan die 11 de, gevier, om die einde van die Eerste Wêreldoorlog te herinner.
Vyandelikhede het geëindig “op die 11de uur van die 11de dag van die 11de maand” van 1918, Die Eerste Wêreldoorlog het formeel geëindig met die ondertekening van die Verdrag van Versailles op 28 Junie 1919. Die doel is om met deernis aan al die geliefdes te dink wat gedurende hul diens, deur die dood weggeneem is.
Die diens is bygewoon deur verskeie weermag- en kommando-, polisielede, nooddienste personeel, asook lede van Koevoet en 61 MEG.
Na die diens is daar baie gedagtes uitgeruil en herinneringe opgeroep van toeka se dae.
