GEMSBOK-DINGLETON: Die Siyathemba Polisiestasie is vroeër die maand amptelik geopen.
Woensdag, 8 Mei was 'n belangrike mylpaal in die reis van die Dingleton-hervestigingsprojek, toe Kumba Iron Ore die Siyathemba-polisiestasie amptelik oorhandig het.
Hierdie belangrike geleentheid was die hoogtepunt van jare se harde werk, samewerking en onwrikbare toewyding tot die welstand van die gemeenskap.
Die Siyathemba Polisiestasie oorhandiging is 'n bewys van die krag van samewerking en kollektiewe optrede.
Sedert die begin van die hervestigingsprojek in 2012, is Kumba Iron Ore, saam met die gemeenskap van Dingleton, die Noord-Kaapse Provinsiale Regering en die Gamagara Plaaslike Munisipaliteit, toegewyd om die sukses van hierdie poging te verseker.
Die Siyathemba-polisiestasie is nie net ‘n fisiese struktuur nie, maar ‘n simbool van sekuriteit en veiligheid vir die gemeenskap wat dit dien. Met sy groter grootte en moderne geriewe is die stasie gereed om die welstand van alle inwoners en belanghebbendes te beskerm.
Kumba Iron Ore nooi alle belanghebbendes uit om hande te vat, om te verseker dat die Siyathemba-polisiestasie ’n voorbeeld bly, van wat moontlik is wanneer ons doelgerig verenig en ’n gemeenskaplike doelwit nastreef, het Pranill Ramchander, uitvoerende hoof van korporatiewe sake by Kumba Iron Ore, gesê.
