GEMSBOK-UPINGTON: Terwyl bibberweer die kwik die afgelope week erg laat daal het, het swaar reën gelei tot oorstromings in sommige dele van die Noord-Kaap, insluitend die Hantam, Kamiesberg en Middelpos.
Sommige inwoners rondom Hantam het ernstige skade aan hul eiendomme opgedoen en is na tydelike ver-blyf by Lenie Skippers-gemeenskapsaal verskuif.
Sterk winde het ook skade aan telekommunikasie-infrastruktuur veroorsaak wat sommige plekke sonder selfoondekking gelaat het.
Woordvoerder van die departement van samewerkende regering, Babalwa Mzambo, sê: “ Kamiesberg het oorstroomde paaie en ontwrigte telekommunikasiedienste ervaar, terwyl sommige gesinne in Hantam aansienlike eiendomsbeskadiging in die gesig gestaar het, hul is hervestig na die Lenie Skippers-gemeenskapsaal. In Middelpos het kragonderbrekings voorgekom en ongeveer 15 informele huishoudings in Calvinia het skade opgedoen.”
“Buffelsrivier in Nama-Khoi het oorstroomde paaie ervaar, wat gemeenskapslede en padgebruikers aangespoor het om versigtig en waaksaam op die paaie te wees. Gesinne wat geraak is, het tydelike skuiling en voorsiening ontvang, met deurlopende assesserings wat deur die provinsiale rampbe-stuurskomitee gedoen word om verdere hulp te verleen soos benodig,” voeg Mzambo by.
Mzambo het inwoners aangemoedig om warm en veilig in die Namakwa-distrik te bly, aangesien sneeu en ongunstige weerstoestande voortduur.
Die Suid-Afrikaanse Weerdiens het verlede week waarskuwings uitgereik oor die verlies van vee en oeste en ontwrigting van verkeer, aangesien koue weer groot dele van die Noord-Kaap beetpak.
Sneeu het in Calvinia, Sutherland, De Aar, Victoria-Wes, Noupoort, Vanwyksvlei en selfs sover as Groblershoop en Kuruman in die Kalahari geval.
Inwoners het Maandagoggend wakker geword met temperature onder vriespunt, terwyl skole gereed gemaak het om Dinsdag vir die derde kwartaal te heropen.
Die maksimum temperatuur het skaars tot 8 grade Celsius in Kimberley gestyg, met nagtemperature wat tot ’n ysige -3°C daal.
Dinsdag se temperature het oornag tot daghoogtes van 16°C en -4°C gestyg.
Warmer weer het van Woensdag af met ’n maksimum van 22°C en ’n minimum van 1°C opgedaag.
Daarna het temperature weer Sondag begin daal. Sutherland ervaar temperature van -8°C en ‘n maksimum van 3°C. D
Daar is ‘n hoë risiko van hipotermie as gevolg van baie koue toestande en sneeu in die Karoo Hoogland en die bergpieke naby Victoria-Wes, Noupoort en Vanwyksvlei.
Die weerdiens het ook gewaarsku teen skadelike winde in die Ubuntu-, Umsobomvu-, Richmond- en Renosterberg-gebiede waar los rommel, stofstorms en gelokaliseerde wegholbrande wydverspreide skade kan veroorsaak.
’n Advies is uitgereik vir nat, winde-rige en koue toestande in Garies, Calvinia, Sutherland, Alexanderbaai en Springbok - met die moontlike oorstroming van paaie en laagliggende neder-settings weens verwagte swaar reën.
Die publiek is versoek om te vermy om strand toe te gaan weens hoë golwe, sterk winde en moeilike na-vigasie op see.
Stormwinde was sterk genoeg om klein hawens, hawens en kusinfrastruktuur in Kleinzee, Hondeklipbaai en Port Nolloth te beskadig - waar daar ‘n risiko vir medium tot groot vaartuie is om ankers te sleep en vasmeerlyne te breek.
Boere is aangemoedig om kwesbare vee en oeste in Kimberley, Hotazel, Upington, Warrenton, Noupoort, Kuruman, Barkly-Wes, Jan Kempdorp, De Aar, Groblershoop, Augrabies-waterval, Hopetown, Victoria-Wes, Petrusville, Noupoort, Vanwyksvlei en Grie-kwastad te beskerm a.g.v. aan verkoue-verwante siekte.
