GEMSBOK-KAKAMAS: Die ZF Mgcawu-distrik het die provinsiale gemeenskap imbizo namens die provinsiale kommissaris, luitenant-generaal Koliswa Otola, in Kakamas by die Laerskool Kakamas aangebied.
Die adjunk-provinsiale kommissaris vir polisiëring, genl. maj. Luntu Ngubelanga, vergesel deur die gasheer, die waarnemende distrikskommissaris van die ZFM-distrik, brig Monica Sebile, provinsiale hoofde, stasiebevelvoerders en die distriksgemeenskap GPF-voorsitter, mnr Clement Baai en die hoofde van staatsdepartemente en -entiteite, het die geleentheid bygewoon.
Ander gaste sluit in die provinsiale en distrik SAPD bestuur, speaker van die ZF Mgcawu, raadslede, die burgemeester van Kai !Garib Munisipaliteit en verteenwoordigers van die distrik GPF en die Community In Blue Patrollers.
Die openingsoordenking is gelewer deur pastoor Jeremiah Schwartz en die verwelkoming deur wyksraadslid, Ryan Saal.
Die waarnemende distrikskommissaris van ZF Mgcawu, brigadier Monica Sebili, het die doel van die geleentheid uiteengesit en die paneel van die Imbizo is bekendgestel.
Die paneel het bestaan uit SAPD-bestuur, die speaker van die ZF Mgcawu-distrik, plaaslike burgemeester, wyksraadslede, departement van justisie, maatskaplike ontwikkeling, vervoerveiligheid en skakeling, departement van arbeid, departement van onderwys, Noord-Kaapse drank- en dobbelraad, SASSA, godsdienstige broeders, departement van binnelandse sake, departement van gesondheid en distrik gemeenskapspolisieforum (GPF).
Die adjunk provinsiale kommissaris vir polisiëring, genl.maj. Luntu Ngubelanga, het in sy toespraak beklemtoon dat die sleutel tot die wen van misdaad vennootskapspolisiëring is en verwelkom al die belanghebbendes en gemeenskapslede wat die polisie in hierdie verband bystaan.
Genl Ngubelanga het die impak van dwelm- en alkoholmisbruik - veral onder die jeug - beklemtoon en samewerking tussen die SAPD en die gemeenskap aangemoedig om hierdie maatskaplike euwels te ontwortel.
Kontakmisdade bly ‘n prioriteit, en pogings onder die huidige hoëdigtheid-operasies sal voortgaan om GBVF-misdrywe wat verband hou met verkragtings, moorde en rooftogte aan te spreek.
Die betrokkenheid het ‘n platform gebied vir die gemeenskap, die SAPD en ander relevante belanghebbendes om oor bekommernisse te beraadslaag en oplossings te formuleer. Gemeenskapslede het hul kwessies en bekommernisse tydens die vrae- en antwoordsessie geopper waarna paneellede op al die bekommernisse en kwessies wat geopper is, gereageer het.
