GEMSBOK-POSTMASBURG: Die onwettige mynbou-multi-dissiplinêre span, Operasie Vala Umgodi, het misdaadvoorkomingsoperasies uitgevoer en intelligensie-gedrewe inligting oor beweerde dwelmaktiwiteite wat in Postmasburg plaasvind, opgevolg.
Inligting het gelei tot die klopjag op geïdentifiseerde dwelmhuise op Vrydag, 03 Mei 2024.
Tydens die operasie is nege (9) manlike verdagtes tussen die ouderdomme van 20 en 48 jaar oud gearresteer vir die onwettige besit van vermoedelik dwelms met ‘n geraamde straatwaarde van R22 000, besit van ammunisie en besit van vermoedelik gesteelde goedere.
Die span het ook beslag gelê op geld wat vermoedelik die opbrengs van misdaad, selfone, dwelms, vermoedelik gesteelde uniforms van die Suid-Afrikaanse Weermag (SANW), ammunisie en gaspistole is.
Die verdagtes sal na verwagting binnekort in die Postmasburg-landdroshof verskyn.
Die provinsiale kommissaris, luitenant-generaal Koliswa Otola het die span toegejuig vir die verwydering van gevaarlike wapens en dwelms uit die strate en het gemeenskappe aangemoedig om voort te gaan om onwettige aktiwiteite by die polisie aan te meld.
