GEMSBOK-KAKAMAS: Die vinnige reaksie deur lede van Kakamas is toegejuig omdat hulle items teruggevind het wat tydens ‘n inbraak op Donderdag, 4 Julie 2024 gesteel is.
’n Saak van huisbraak is by die polisie aangemeld en daarna het die lede inligting ontvang oor ’n beweerde plek waar die gesteelde items bewaar kon word.
Hulle het dit opgevolg en twee verdagtes van 19 en 30 jaar oud is in besit van die gesteelde goedere gevind.
Die twee is gearresteer vir die besit van vermoedelik gesteelde goedere.
Intussen is die lede in ‘n ander saak deur een van die inwoners in Kakamas ingelig dat ‘n onbekende persoon wat kom blyplek soek het, die sakke in die huis gelos het - mwat ‘n sterk reuk afgelewer het - en toe hulle ondersoek het, het hulle dagga gevind.
Die polisie het beslag gelê op 12,05 kg dagga wat as gevonde eiendom ingeboek is.
Die SAPD het die integriteit van die gemeenskapslid waardeer en moedig die breë samelewing aan om teen onwettige aktiwiteite op te staan deur alle optrede by die polisie aan te meld.
