GEMSBOK-POFADDER: Die Noord-Kaapse premier, Zamani Saul, het saam met president Cyril Ramaphosa die belofte om geslagsgebasseerde geweld te beëindig, onderteken.
Met Vrouemaand in volle swang, sê inwoners van die Noord-Kaap dat - hoewel vordering gemaak is om vroue op te hef, meer gedoen moet word om die stryd teen geslagsgebaseerde geweld te wen.
“Vandag as vroue erken die regering ons en luister na ons stemme, en ons word in staatsdepartemente en in die parlement verteenwoordig. Vroue ly egter steeds in die hande van die plegers van geslagsgebaseerde geweld, en baie is vermoor deur diegene wat nie die rol of die belangrikheid van vroue in gemeenskappe verstaan nie. Ons wens die regering kan meer doen om vroue te beskerm,” het Sandra Booi, ‘n inwoner van Pofadder, aan die media gesê.
Booi was een van honderde burgers wat Vrydag die nasionale herdenking van Vrouedag by Denis Nel-stadion in Pofadder, Noord-Kaap, bygewoon het.
Lettie Swart, ‘n inwoner van Upington, het gesê die herden-king van Vrouedag demonstreer die regering se verbintenis tot die saak van vroue.
“Vroue is die pilare van elke samelewing. Vroue het ‘n deur-slaggewende rol gespeel tydens die stryd teen die apartheidsregime. Vroue was aan die voorpunt en hulle verdien om erkenning te kry,” het Swart gesê.
Johannes Matsaboge het dieselfde sentiment herhaal en gesê: “Dit is tyd dat vroue erken word en senior posisies in die regering beklee. Vroue is in staat om te doen wat mans kan doen.”
President Cyril Ramaphosa het die vieringe toegespreek onder die tema: “Viering van 30 jaar van vryheid teenoor vroue se ontwikkeling”.
Die president, saam met die Noord-Kaapse premier, dr. Zamani Saul en ander regeringsamptenare, het ‘n belofte vir Suid-Afrikaanse mans onderteken om geslagsgebaseerde geweld en vrouemoord te beëindig.
Die nasionale geleentheid herdenk 68 jaar sedert 20 000 vroue van uiteenlopende agtergronde van regoor Suid-Afrika na die Uniegebou opgeruk het om te betoog teen die uitbreiding van die paswette van vroue.
