GEMSBOK-ONSEEPKANS: Vyf nuwe polisiekonstabels het - saam met drie ander Onseepkans SAPD-konstabels - op ‘n vermeende dwelmhandelaar toegeslaan en op dwelms ter waarde van sowat R9300 beslag gelê.
Op 04 Januarie 2024, om 10:00, het Onseepkans SAPD inligting ontvang en ‘n 32-jarige vrou in hegtenis geneem, nadat hulle haar huis in RC Mission, Onseepkans deursoek het.
Die SAPD-lede het op 56 sakkies tik in haar besit beslag gelê.
Die verdagte sal binnekort in die Pofadder-landdroshof verskyn op aanklag van onwettige handel in dwelms.
Die distrikskommissaris vir die Namakwa-distrik, brigadier Schalk Andrews, het die lede geloof vir hul onverpoosde stryd om dwelms in die distrik uit te roei.
