GEMSBOK-UPINGTON: Lou-Marié Bruwer en 18 van Dance de Lou International Dance Academy (DDL) se dansers, is tans in Hollywood waar hulle aan die beroemde “Christmas Parade” in Desember 2024 gaan deelneem.
DDL het in Februarie 2024 ‘n oproep ontvang vanaf een van Walt Disney World, Orlando, Florida, se direkteure en hul uitgenooi om deel te wees van hulle beroemde Christmas Parade in Desember 2024 met ongeveer 800 dansers wat deelneem.
Hulle het DDL raakgesien met hul uitstekende internasionale- eksamens en -kompetisie uitslae.
Na die oudisie is 18 van DDL se dansers gekies wat deel uitmaak van die 50 dansers, gekeur uit Suid-Afrika, Namibië en Mauritius.
In Maart 2024 het Lou-Marié Bruwer (eienaar van DDL) nog n oproep vanaf ‘n Disney direkteur ontvang, om te vra of sy die Ballet choreograaf sal wees vir een van die Hollywood teaters en sodoende word sy aangestel.
DDL dansers doen ook ‘n produksie in die Hollywood Theatre of the Stars. Lou-Marié en die dansers bedank al hul borge wat bygedra het tot hul pragtige uniforms.
Agter vlnr: Louwrens Serfontein (borg), Eirene Hoving (borg), Jana Cilliers, Michelle Dyer, Carla Serfontein, Lou-Marié Bruwer (Eienaar van DDL), Catherine Griessel, Berta Gilbert (borg), Jamie Venter en Dirk Gilbert (borg). Voor vlnr: Jubileigh Luvuno, Terry-Ann Ferris, Clairese March, Raylize Babu, Lalie Burger, Claudia-Joy Visagie, Khadeejah Mohomed, Liané Delport en Herma Brits (borg)
