Klerksdorp Rekord, Klerksdorp - Die inwoners is gewoond aan gereelde mynskuddings, omdat dit ‘n myngemeenskap is. Aardbewings is gewoonlik heelwat sterker. 

Op Donderdag 4 Januarie om 07:07 is inwoners wakkergeskrik met ‘n skudding wat 4.3 op die Richterskaal gemeet het. Dit was die vierde aardbewing in die omgewing wat meer as 3 op die Richterskaal gemeet het sedert November. In Desember het die aarde geskud op 11 Desember (3.1) en op 22 Desember (3). Op 17 November is ‘n skudding geregistreer as 4.5.

Volgens earthquakelist.org is Klerksdorp die aardbewingmekka van SA met die drie grootste skuddings die laaste dekade. 

Die aardbewing op 5 Augustus 2015 is die grootste in die land die laaste tien jaar. Hy het 5.4 geregistreer. Klerksdorp het die naasgrootste op 3 April 2017 (5.2) en derde grootste op 15 Junie 2014 (4.9) geregistreer. 

Daar is geen rede vir paniek nie, “want skuddings onder 5 op die Richterskaal veroorsaak nie gewoonlik skade nie”.

Klerksdorp Rekord, Klerksdorp - Die beplande ontwikkeling van gedeeltes van die Palmietfonteinplaas buite Doringkruin word nie met ope arms verwelkom nie.

AfriForum se Klerksdorp-tak het in Desember opnuut besware ingedien by die Matlosana Munisipaliteit rakende die beplande ontwikkeling.

Die beswaar is namens inwoners en taklede ingedien en wys onder meer daarop dat indien die beoogde ontwikkeling, wat in die noordooste van Klerksdorp aan Doringkruin grens, voortgesit word, dit moontlik een van die grootste oorblywende kameeldoringwoude in die omgewing kan vernietig. 

Klerksdorp Rekord, Klerksdorp - ‘n Aantal plaaslike bekendes het gedurende die Kersvakansie gesterf. 

Johan van der Merwe

Johan van der Merwe (49) van Orkney is op Kersdag oorlede. Hy is vroeg in Desember met non-Hodgkins lymphoma gediagnoseer.
Johan was ‘n bekende gesig in Noordwes en die Vrystaat en geliefd as sanger en musikant. Benewens sy sakebelange was hy ook voorsitter van Overvaal Stereo. Hy was in ‘n hospitaal in Pretoria opgeneem waar hy oorlede is. Sy begrafnisdiens het op Nuwejaarsdag plaasgevind en hy is in die familiekerkhof ter ruste gelê.

Dr Muhamed Iqbal Rawat

Dr Muhamed Iqbal Rawat (75) het op 18 Desember aan ‘n hartaanval gesterf, pas nadat hy ‘n toespraak by ‘n troue in Vereeniging gelewer het. Hy was ‘n geliefde dokter wat na sy aftrede nog steeds by die Klerksdorp Hospitaal se onkologie-afdeling betrokke was. Hy was ‘n bekende gemeenskapswerker en was betrokke by kinderhuise en ouetehuise, asook die plaaslike moskee. Hy was ook betrokke by die Islamitiese Mediese Vereniging in Noordwes. Hy was getroud met Rokaiya en die egpaar het twee kinders.

Jan van den Berg

Bekende fietsryer en eiendomsagent, Jan van den Berg (79) is op 26 Desember dood. Hy het nog saam met sy familie Kersfees gevier en is onverwags die volgende oggend oorlede. Hy het ‘n bloedklont ontwikkel tydens een van sy vorige fietsryongelukke. Hy was ‘n uitnemende fietsryer met verskeie nasionale titels agter sy naam, maar was ook ‘n sakeman, familie- en kerkman. Hy en sy vrou, Lynn, het bykans vyftig jaar in Klerksdorp gewoon. Die egpaar het drie kinders. Sy troosdiens vind op 20 Januarie plaas.

Klerksdorp Record, Klerksdorp - It’s been a wet New Year thus far.

This week’s heavy downpours in the Kosh Area have flooded roads and opened up potholes making driving in these circumstances very difficult.

In Wilkoppies, Oupa Coetzee measured more than 60mm from 05:00 on Tuesday January 9 until after 09:00 on Wednesday January 10. His rain-gauge measured about 70mm since New Year’s day before this week’s downpour began. 

On Wednesday morning Catrien Pieterse measured 66mm and Rehana de Buisson measured 60mm in Songloed. In Orkney it is said that more than 90mm rain fell in 24 hours. 

The SA Weather Service warned of severe thunderstorms over the southern parts of North West.