Karien Janse van Vuuren, adjunkhoof, en Helen dos Santos Nunes, skoolhoof, oorhandig ‘n ruiker van waardering aan Maria Viljoen van Thaba Tswene. Sy was die borg van ruim pryse vir Janie Schneider Skool se jaarlikse fondsinsameling.
Nosipho is Dux learner
Nosipho Mohapi is Dux learner at Western Reefs Primary School.
Slimkop se eerste A is hier
Hansie Muller het reeds sy uitslae vir die ekstra vak Alpha Wiskunde ontvang en spog met die enigste onderskeiding in Klerksdorp. Hansie skryf tans sy matriekeindeksamen by KHS. Alpha Wiskunde behandel onderwerpe buite die skool sillabus op ‘n gevorderde vlak. Die slimkop hoop om agt onderskeidings in die eksamen te kry. Hansie was KHS se onderhoofseun en het vroeër vanjaar in die ATKV Redenaars se nasionale finaal in die Wes-Kaap onder die top 10 redenaars in SA geëindig.
Liggies steek Klerksdorp aan die brand
Klerksdorp Rekord, Klerksdorp - Die Ligbron Onafhanklike Skool het sy jaarlikse konsert verlede naweek gehou en die saal was gevul met trotse ouers en opgewonde kinders. Die kinders het hul harte uitgedans en gesing op die verhoog.
Ligbron is ‘n geregistreerde skool by die Departement van Onderwys wat spesialiseer in die onderrig van kinders met leerprobleme. Die skool bied ‘n CAPS en DCAPS kurrikulum aan en akkommodeer onder andere kinders met outisme, Downsindroom, serebrale gestremdheid, disleksie, ADHD en nog vele meer.
Parkies vier ’n goeie seisoen op die krieketveld
Klerksdorp Rekord, Klerksdorp - Laerskool Meiringspark is trots op hul krieketspanne wat die seisoen met ywer afgesluit het.
Die skool het geskiedenis gemaak met vier spanne (o/10 A, o/11A, o/13B en o/13A) wat almal deurgedring het na die Noordwes mediumskole semi-finaal. Die o/10A span het in die finaal hul onoorwonne status behou en is as Noordweswenners aangewys.
Individuele spelers wat ‘n skitterseisoen beleef het is ondermeer Lebo Motsatsi (o/13 A) wat 90 lopies aangeteken het en Christian Jacobs (o/13A) met 155 en 64 lopies. Kganya Dala van die span het 55 en 51 lopies aangeteken. Atang Nxako (o/13) is gekies vir die Noordwesspan.
More Articles …
