Orkney Primary School recently announced their leaders for 2026. They are (back) Zwelibanzi Zondi, Orefile Tlhagale, Neo Mpasi, Neo Mokone, Tlhohonolofatso Rakhale, Yamihle Ntshebe, (middle) Lee-Ché Walters, Liyabona Boqwana, Tshireletso Segolodi, Twané Janse van Rensburg, Keneilwe Tladi, Angela Maham, Reagobaka Lekabe, (front) Katlego Sehenye, Zhané Booysen, Masego Nkueagae, Kearatwa Thukhoi, Morena Lekhoaba, Olerato Kgobe and Kanananelo Nkala.
22 Augustus 2025
Klerksdorp Rekord, Klerksdorp - ‘n Oud-Schoonie wat in die jaar 2000 gematrikuleer het, sal hom op 1 September weer by die skool aansluit.
Johan Jansen van Vuuren (43) is aangestel as die nuwe adjunkhoof van Hoërskool Schoonspruit. Hy sal sy pos op 1 September inneem.
Hy is tans ‘n onderwyser by HTS Klerksdorp waar hy sedert 2005 ‘n onderwyser is. “My vrou, Lizelle, is ook ‘n onderwyser by HTS. Dit is waar ons ook ontmoet het,” het hy aan Klerksdorp Rekord gesê.
Hy gee Lewenswetenskappe en was ook departementshoof van Wetenskappe, en is ‘n uitmuntende rugby-afrigter.
Johan het groot planne by Schoonspruit, veral op sportgebied, en glo dat deur waardes, vertroue en dissipline toe te pas dit die skool positief sal beïnvloed en na hoër hoogtes neem.
Hy het by die NWU studeer (voorheen PU vir CHO) en hy en Lizelle het drie kinders - twee is in Laerskool La Hoff en die oudste is tans ook ‘n Schoonie.
22 Augustus 2025
Hoërskool Schoonspruit se nuwe hoofleiers is op 12 Augustus aangewys. JC Ferreira en Denice van der Merwe is die nuwe hoofseun en hoofmeisie.
22 Augustus 2025
Klerksdorp Rekord, Klerksdorp - Laerskool Saamtrek se eerste tennisspan het behoorlik naam gemaak tydens die afgelope Super 12-tenniskompetisie wat in Pretoria gehou is.
Die Super 12-reeks word deur 20 top skole uit vier provinsies gespeel. Die tennisreeks word op ‘n uitklopbasis gespeel en Laerskool Saamtrek het in die eerste rondte te staan gekom teen Constantiapark, Rustenburg, Van Riebeekpark en Kruinsig.
Drie van Hoërskool Schoonspruit se rugbyspanne eindig vanjaar die rugbyseisoen as kampioene. Die o/14, o/16 asook die tweedespan het hul liga gewen en as NW-wenners uit die stryd getree. Hier is die o14-span saam met hul afrigter. Tiaan du Preez.
Hoërskool Schoonspruit se o/16 rugbyspan saam met hul afrigter, Herman Badenhorst.
Hoërskool Schoonspruit se tweede rugbyspan saam met hul afrigters, Nic Swart en Grant Myburgh.
