Klerksdorp Rekord, Klerksdorp - KHS se trompoppies het verlore aansien herwin nadat hulle weer ‘n keer as algehele wenners by die SA Kampioenskap aangewys is.
Hierdie is veral ‘n spesiale oomblik vir KHS en die span aangesien hulle vir die eerste keer sedert Covid, weer in die drill kategorie ingeskryf het en skoonskip in dié kategorie gemaak het. KHS se trompoppiespan was altyd een van die top spanne in die land en het van 2015 tot 2019 in die Elite liga deelgeneem. Die troep het sedert die pandemie gesukkel om weer ou vorm te behaal, maar na die pas afgelope SA’s is hulle terug in die Elite liga vir volgende jaar.
Boogskutters in die kol
Die volgende Wesvalia-skuts was deel van die NW-knypkoppespan wat ‘n vierde plek tydens die SA interprovinsiale kampioenskap behaal het. Hulle is Shawn Beukes, Walter Weeks, Tiaan Oosthuizen, Zander Britz en (voor) Mishka Hattingh, Amy-Leigh Esterhuizen en Rodé Killian.
Hoërskool Wesvalia is die SA boogskietkampioen vir 2024. Die skool het aan die SA interskolekampioenskap deelgeneem en is as algehele wenner aangewys. Walter Weeks, Dillon Fourie, Shawn Beukes, Amy-Leigh Esterhuizen, Tiaan Oosthuizen en Owen Smith en (voor) Mia Muller, Mishka Hattingh, Judiie Ehlers, Deandré Erwee, Dillon Beukes en Tristan Trollip het geskiet.
Wesvalia rugby vorder die beste
Hoërskool Wesvalia het op Vrydag 4 Oktober tydens die “Ruggas Awards” in Centurion die toekenning ontvang vir die Skool van die Jaar wat die beste vordering getoon het. Wesvalia is die jaar in die Noordvaal Rugbyreeks bevorder van die Noordvaal skildafdeling na die plaatafdeling. Willem Strauss, president van die Blou Bulle Rugbyunie, oorhandig die toekenning aan Willem van der Sandt, Wesvalia se rugby direkteur.
Schoonies meisies-krieket presteer
Hoërskool Schoonspruit se eerste meisies-krieketspan eindig vanjaar algeheel tweede in hulle liga. Die meisies het op 3 Oktober in die finale wedstryd teen Hoër Volkskool te staan gekom by Boys High in Potchefstroom. Hulle het die finaal naelskraap verloor, maar eindig steeds tweede in die liga. Op die foto is (agter) Cormadien Nel, Jeidi Engelbrecht, Michelle van Rensburg, Riazelle Drotskie, Mekayla Drotsky, Leandri Lamprecht (afrigter), Fejean Venter, Monique Corner (hulp-afrigter), Adrianca Koedyk, (middel) Janke Meyer en Arney du Toit (tellinghouers) en (voor) Michelle van Rensburg, Mia Cilliers, Suné Harmse, Felicienne Venter (onderkapteine), Mianique Pretorius en Jo-Ann Pretorius (kaptein).
Saamtrek word 70
Klerksdorp Rekord, Klerksdorp - Verlede week was verjaardagweek by Laerskool Saamtrek met verskeie feesvieringe wat gedurende die week by die skool aangebied is.
Leerlinge het die kans gehad om op ‘n reuse springkasteel/Big Bounce te baljaar waarvan die omtrek seker so groot soos ‘n rugbyveld was. Verskeie aktiwiteite het plaasgevind om die skool se 70ste verjaardag te herdenk.
More Articles …
