Klerksdorp Record - School News

Samie-krieket maak geskiedenis

Laerskool Saamtrek het geskiedenis gemaak in die 2024 krieketseisoen deur met al hul spanne die Kosh-liga te wen. Drie uit die vier spanne (o11A, o13A en o13B) het ook die Noordwesliga gewen. Dit is die eerste keer dat die skool drie uit die vier spanne het wat vir Noordwes kon uitspeel.Op die foto is Edwin Venter, Alto Wiggett, Dehan van der Merwe, Casey Lues, Jason Tarr, GJ Erasmus, Pieter Visagie (hoof), Shane van Heerden, Chris-Heinz Wiegenhagen, Nathan Bezuidenhout, Ruben van der Merwe, Pierre Lotter en Mjay Buys.

Parkies krieket presteer

Laerskool Meiringspark het drie krieketspanne wat ‘n goeie seisoen agter die rug het. Die o13A en o10A word as Kosh-ligawenners aangewys en die o13B span as naaswenners. Al drie die spanne dring deur tot by die NW-finaal, waar die o/10A span bekroon word as NW-wenners met 11 uit 11 wenne vir die seisoen. Op die foto is die o/10 krieketspan: (voor) Jaco Peens (onderkaptein), Wian Du Plessis, Eben Botha, Riancho Mulder, Edwin Coetzee, en Stian Dreyer (kaptein). Agter is Nathan Murray, Dean van Zyl, Omphile Molamu, Franco Erasmus, Anthony Kuhn, Reneilwe Disipi en Abi Setai. Hul afrigters is Willem Meyer en Manie Rousseau.

Milner's head leaders

Milner High’s head leaders for 2025 are (front) head boy: Bokomoso Mogale and head girl: Lukhanyo Mini, and (back) deputy head boy: Tlotlo Kgabi and deputy head girl: Oreagile Marapjane.

KHS vereer prestasies

Liané Engelbrecht (uitgaande hoofmeisie) is aangewys as die KHS’er van die jaar tydens KHS se prysuitdeling. Sy is ook KHS se dux-leerling met ‘n gemiddeld van 94,38%.

Ewald Jansen is aangewys as KHS se sportseun van die jaar met sy prestasie as SA o/19 spiesgooi-kampioen en lid van SA o/20 span tydens die wêreld o/20 kampioenskap.

Kate-Lynn Fourie is aangewys as KHS se sportmeisie van die jaar met haar silwermedalje tydens die SA’s o/15 kort hekkies wedloop.

MP Willemse is KHS-hengel se eerste SA skolespan-hengelaar.

Schoonies deel pryse uit

Hoërskool Schoonspruit se klas van 2024 is by die bekroningsfunksie vereer met spesiale toekennings voor die eindeksamen begin het. Gary Young is die skool se duxleerling vir die jaar.

Hano Stander is as sportseun van die jaar aangewys.

Lizané Vorster ontvang die Ambassadeurs-trofee vir haar deelname aan SA-ringbal.

Cormadien Nel ontvang die Oom Rossie Trofee wat jaarliks toegeken word aan die leerling wat deur die loop van sy/haar hoërskoolloopbaan die skool se leuse “Werk, Dien, Lewe” uitgeleef het en op alle gebiede van leierskap tot sport en kultuur hul veelsydigheid gewys het.