BRITS POS – BRITS - Daar word gesê mens moenie jou talente onder ’n maatemmer versteek nie. As daar nou een mens is wat bewys het dat dié eeueoue waarheid water dra, is dit die 24-jarige Pretoriase skrywer en sommer nou ook filantroop, Anneke Langner!
Die veelsydige jong vrou se woorde verf nie net egalig oor ’n skilderdoek soos ’n kunstenaar se bekwame bestendige hand nie, sy verskuif grense in haar beskrywingsvermoë wat die jeug bladsy na bladsy vasgenael sal hou.  

BRITS POS – BRITS – ‘n Baie interessante werkwinkel word volgende Donderdag, 16 Mei, by Floret Blommeklub aangebied en alle belangstellendes is welkom om dit by te woon.
Die tema is Displacement (verplasing) en twee van die lede, Sinie Otto en Lynn Moll gaan demonstreer hoe om ‘n ou wynbottel in ‘n prag-ontwerp te omskep.

BRITS POS – BRITS – Die NG Kerk Sanddrift bied Saterdag, 3 Mei die jaarlikse Bosveld Vleis Fees op die kerkterrein, ongeveer 25km buite Brits op die R511Thabazimbi-pad aan en dit beloof om ‘n bielie van ‘n fees te wees. Hekke open reeds 08:00.

Vanjaar is die sesde keer wat dié fees plaasvind en volgens die organiseerders gaan dit beslis groter en beter as voorheen wees. Soos die naam sê gaan dit ‘n fees van vleis wees wat teen billike pryse verkoop sal word. Vleisverkope begin 09:00. Groot uitstallers, soos Landini en Toyota gaan van hul top produkte uitstal. 

BRITS POS – MOOINOOI - Laerskool Elandskraal se skoolkoerant, die ‘Snuffelskraal’ het weer sy verskyning gemaak na agt jaar. 
Sosiale media was hoofsaaklik die oorsaak dat die koerantjie ‘n stille dood gesterf het.
Me. Janine van Wyk, redakteur, sê dat dit haar droom was om die koerant terug te bring vandat sy by Elies begin het, maar dat die ‘Snuffelskraal’ nou ‘n nuwe baadjie aangetrek het.