GEMSBOK-AGGENEYS: EnergyDRIVE, ’n opvoedkundige inisiatief deur die hernubare-energiebedryf, het sy reis in die Noord-Kaapprovinsie begin en in die klein dorpie Aggeneys aangekom.
Dit is die eerste stop op sy reis oor Suid-Afrika se groen energiekaart.
Vanaf Kaapstad het die 2023 EnergyDRIVE-bus by Hoërskool Aggeneys aangekom, waar opgewonde leerders rondom die ikoniese geel “edu-tainer”-bus saamgedrom het.
Die hart van hierdie program is om betrokke te raak en op te voed, met ‘n sterk fokus om die volgende generasie te inspireer.
Yandi Mac Donald, ‘n graad 9-leerder van Aggeneys Hoërskool, het haar gedagtes gedeel en gesê: “Ek het dit fassinerend gevind om die verskillende metodes van energieproduksie te ontdek en die werking van die hele stelsel te verstaan.
Modelle in Teen-Boelie Veldtog
GEMSBOK-KAKAMAS: Die afgelope maand is internasionale boeliebewustheidsmaand regoor die wêreld gevier. Drie modelle van Kakamas, Junior Steenkamp, CJ Herridge en Zelmeri Herridge, het deelgeneem aan hulle modelagentskap, Catwalk Models International, se - teen boelie veldtog.
Die emosionele en fisiese pyn wat deur afknouery veroorsaak word, kan uitputtend wees, maar hierdie gedrag is steeds volop in skole wêreldwyd, volgens ‘n nuwe verslag deur die Verenigde Nasies se Opvoedkundige, Wetenskaplike en Kulturele Organisasie (UNESCO) wat ‘n beroep doen op alle kinders om toegang te hê na ‘n “veilige, inklusiewe” leeromgewing.
Hoërskool Kathu Spelfiësta
GEMSBOK-KATHU: Twee van die Hoërskool Kathu se leerders het aan die jaarlikse spelfiësta te Hoërskool Sentraal, aan die Senior-kategorie(graad 10-12) deelgeneem.
Hulle het ongelooflik goed gevaar.
Hoërskool Kathu Modelwerk
Hoërskool Kathu se eie Mej Noord-Kaap Tiener 2023/24, Minke Barendse (gr. 9), het die afgelope skoolvakansie aan SACOPA - South African Championship of Performing Arts - in Rustenburg deelgeneem.
Minke het ‘n goue medalje in die Modelwerk afdeling verwerf en het ook gekwalifiseer vir die SA-Span wat in Julie 2024 aan die Wêreld Kampioenskappe in Los Angeles - in die VSA - gaan deelneem.
NK gereed vir NSS eksamens
GEMSBOK-UPINGTON: Die Noord-Kaapse Departement van Onderwys kan met vertroue verklaar dat ons ten volle bereid is om die 2023 Nasionale Senior Sertifikaat (NSS)-eksamens te administreer gebaseer op die beginsels van regverdigheid, geloofwaardigheid en integriteit.
Verskeie programme en planne is in plek gestel om seker te maak dat vanjaar se eksamens glad verloop. Die eindeksamen vir graad 12’s sal op Dinsdag, 24 Oktober 2023 ‘n aanvang neem en op Woensdag, 6 Desember 2023 eindig.
Omvang van die 2023 NSS-eksamen
Altesaam 13 097 voltydse en 2 576 deeltydse kandidate sal die NSS-eksamen by 139 openbare skole, 3 onafhanklike sentrums en 4 distrik gevestigde sentrums skryf.
More Articles …
