GEMSBOK-POFADDER: In ‘n poging om vaardighede in Wiskunde, Wetenskap, Tegnologie en Engels (STEM) te ontwikkel en leerderopname te stimuleer, word opvoeders van drie plaaslike skole in die Khai Ma-area toegerus met gespesialiseerde onderrigvaardighede.
As ‘n kritieke eerste stap in die stimulering van ‘n verhoogde opname van STEM-vakke onder hul leerders tot en met matriek, is hierdie inisiatief ontwerp om leerders se fundamentele vaardighede te verbeter en hulle gereed te maak vir toekomstige STEM-loopbane.
‘n Huldeblyk aan ‘n merkwaardige juffrou
GEMSBOK-UPINGTON: Juffrou Madelein May van Hoërskool Upington, is verlede week skielik oorlede.
Haar troosdiens was die naweek, in die saal van die skool waar sy 32 jaar gelede, begin klasgee het as Afrikaanse onderwyseres.
Na die diens het kollegas en vriende huldeblyke aan Madelein voorgelees. Lesley Swart het vertel dat Madelein altyd die klasse waarin sy gewerk het, met helder kleure geverf het. Wanneer sy dan weer, na ‘n paar jaar, na ‘n ander klas moes verskuif, is die kleur weer toegeverf met ‘n vervelige beige kleur van al die klasse. Maar wanneer die son op die mure skyn, kom die kleure – oranje, blou of geel, subtiel deur – en dis die nagedagtenis van Madeleine.
Uppies leerders besoek Klein Jan
GEMSBOK-UPINGTON: Hoërskool Upington Graad 11 Verbruikerstudie leerders het onlangs die veel- besproke Klein Jan Restaurant besoek.
Klein Jan is die bekroonde restaurant by Tswalu Kalahari Lodge waarby die Michelin Star sjef, Hendrik van der Westhuizen, betrokke is.
Tswalu is naby Van Zylsrus geleë, sowat 210 km van Upington af.
Amorize Oberholster, die Verbruikerstudie-juffrou van Uppies, sê haar idee agter die uitstappie na Klein Jan is omdat baie leerders nie altyd die geleentheid kry om sulke unieke plekke te besoek nie.
Geliefde oud-onderwyser en sportafrigter oorlede
GEMSBOK-UPINGTON: Andrew Richard Orange is verlede Vrydag nà 'n kort siekbed hier in die Harry Surtie-hospitaal oorlede.
Hy was 73 jaar oud en sou op die 27ste van vandeesmaand sy 74ste verjaardag gevier het. Sy skielike heengaan het as 'n groot skok in die gemeenskap gekom.
Andrew was 'n geliefde persoon in Upington se gemeenskap en dit was veral in die onderwys en op sport gebied waar hy talle skoolkinders met sy positiewe geaardheid geìnspireer het om altyd hoog te mik in die lewe.
Kinders leer meer oor ons nasionale parke
GEMSBOK-AUGRABIES: Augrabies Waterval Nasionale Park het verlede week weer die gewilde Kids in Parks-program aangebied.
Dit is die eerste keer sedert COVID 19 wat die program weer vir talle kinders uit die omgewing gehou is.
Kids in Parks is 'n ten volle befondsde, drie dae en twee nagte, program. Dertien skole uit die Keimoes-omge-wing het deelgeneem en het dit baie geniet om oor hul natuurlike en kulturele erfenis te leer.
Van die vele hoogte-punte is, onder andere om dierespesies soos kameelperde en bobbejane vir die eerste keer in hul lewens te sien en in 'n tent uit te kamp.
More Articles …
