Klerksdorp Rekord, Klerksdorp - Is jy gereed vir ‘n komiese vermenging van vreugde en tragedie wat jou lag tot in die kern gaan kielie?
Maak gereed om Lizz Meiring se “Van die rak af” se kragtige, tog humoristiese vertoning te beleef. Dit is ‘n vertoning wat jy nie wil misloop nie.
Die VLU Prismatak bied die vertoning op 18 November om 11:00 in die Herlewingsentrum, Connielaan, Adamayview aan. Die vertoning het ‘n ouderdomsbeperking van 14 jaar.
Die kaartjies is beskikbaar by Die Wolwinkel in Buffelsdoornweg. Die kaartjies kos R150 elk.
Klas van 1973 kuier by alma mater
Klerksdorp Rekord, Klerksdorp - Die 1973-matriekklas van Hoërskool Schoonspruit het die afgelope naweek reünie gehou.
Die groep het almal saam in die skoolsaal gekuier. ”Ons was 35 matrieks teenwoordig en sowat tagtig mense altesaam. Ons het alreeds dertig matrieks verloor,” het Johnny Nel gesê wat dit ook bygewoon het. Die jaargroep het 109 matrieks gehad.
Die groep het die terrein verken, huldeblyke is gedoen vir die afgestorwe hoofmeisie (Nellie Barnard) en hoofseun (Adolf Prinsloo), en ballonne is losgelaat vir almal wat reeds oorlede is.
Die groep het daarna heerlik gekuier en tot laat gedans.
Roots dansers maak geskiedenis
Klerksdorp Rekord, Klerksdorp - Dansers van Klerksdorp het die afgelope naweek aan die nasionale danssport kampioenskap in Randburg deelgeneem. Tien dansers verbonde aan Roots Dance Studio is gekies vir die Proteaspan wat volgende jaar in Engeland gaan deelneem.
Daar is verskillende afdelings waarin die atlete deelgeneem het. ‘n Belowende jong danser, Zaid Bekker is een van die top 8 o/15-dansers wat vir die All Star Team SA gekies is vir sy solo. Nog dansers wat in verskillende ouderdomsgroepe en danse deelgeneem het en in die All Star Team SA ingesluit is, is Bianca Kotze, Ruzanne Oosthuizen, Tarien Duminy, Shaelyn Coward, Amoné Harmse, Elhandri Potgieter, Mické Seider, Janke Prinsloo en Cherezé Bekker.
Economist thanks Rotary for active citizenry
Klerksdorp Record, Klerksdorp - Prof Raymond Parsons, well-known economist of the NWU Business School, addressed an enthusiastic audience at Villa Maria on October 10.
The theme of his speech was “Active citizenry and social cohesion”. He was a guest of the Rotary Club of Orkney. Parsons congratulated Rotary for asking an economist to speak midst grim headlines about unemployment, inflation, interest rates, the Rand, social unrest and socio-economic challenges.
“What should be done about it and how can we make a difference? Luckily, Rotary is composed of business, professional and community leaders. That is the perfect audience,” he said.
He used the recently released National Planning Commission’s Ten year review as reference that targeted a 5.4% growth rate in 2030. “The situation is rather bleak - actual growth rate is only 1, 1%,” he said.
Rotarians qualify as active citizenry and they are unpaid volunteers - keeping the community together. “Let us all work together for the future of a better SA,” he closed off.
Aardklop: verby in ’n oogwink
Klerksdorp Rekord, Potchefstroom - Aardklop ’23 het die afgelope naweek ten einde geloop en daar word reeds beplan aan die volgende fees.
Dit was ’n week van opkoms en samekoms, verrassing, vervoering, verryking, nuutskeppings, opwinding, hereniging, hoop, vrede, vreugde en ou vriende, maar ook nuwes. Dit was warm buite, maar dit het niemand gekeer nie en harte is ook warm gelaat met teater.
Mense het saam gedink en gesels, geredeneer en geluister na boekgesprekke deur van die beste skrywers, politieke leiers, staatmakers en joernaliste.
Die visuele kunste het geboei en terselfdertyd weggevoer met beeldskoon uitstallings en ’n beeldhouwerkswinkel. Musiek wat kon roer en herinner het gehore weer die kunste in melodieë laat ervaar.
En dan was daar die feesterrein. Die hart van die fees waar almal kon bymekaarkom, want die feesgronde praat net een taal en dit is “Suid-Afrikaans”. Kos en kuns, koelte en kuierplek: hier kon feesgangers saamkom op lowergroen gras onder vrygewige koeltebome en fees hou soos wat dit hulle pas.
Volgens Alexa Strachan, HUB, was teatersale vol met gehore wat positief reageer het op die inhoud en bywoningsverwagtinge is oortref. Daar is gelag, gehuil, geskok, geroer en geïnspireer. Teatergangers het verskillende produksies beskryf as “kompleks, uitdagend, skreeusnaaks, hartverkeurend of treffend”.
More Articles …
