Klerksdorp Rekord, Klerksdorp - Die burgerregteorganisasie Afri-Forum het onlangs ’n hofbevel bekom waarin die Matlosana Plaaslike Munisipaliteit verplig is om die rioolwerke te herstel.
Tydens die herstelproses het dit duidelik geword dat die rioolwerke deur rowers geplunder is om onder meer elektriese kabels en pompe te steel. Die munisipaliteit het saaknommers aan AfriForum deurgegee waar die munisipaliteit hierdie insidente van diefstal rapporteer het, sommige van hierdie sake sloer al vir die afgelope drie jaar.
Die organisasie het na aanleiding hiervan op Vrydag 6 Oktober ’n aanmaningsbrief oor die misdaad by die Klerksdorp rioolwerke aan die Noordwes Provinsiale Kommissaris van Polisie en aan die SAPD in Klerksdorp beteken. In hierdie brief eis AfriForum dat die SAPD ’n skriftelike onderneming sal maak om in te gryp en die rioolwerke sal beskerm sodat die nodige herstelwerk en opknappingswerk kan plaasvind. AfriForum het ook gevra dat die SAPD binne tien dae ’n vorderingsverslag aan die organisasie sal voorsien in verband met die sake wat steeds hangend is.
Golden wedding anniversary
Klerksdorp Record, Kanana - A couple of this township is still happy and in love after 50 years of marriage.
Paseke (74) and Makatse (71) Nteso got married on October 8 in 1973 and celebrated their golden wedding anniversary at their home this past weekend.
Paseke was born in Lesotho, moved to Klerksdorp to find work and this is where he met the nice lady he calls his wife. He worked at OK Bazaars and she was a domestic worker. Both are retired now.
They keep themselves busy around their home and are very active in church. They have 5 children (two boys and three girls), 14 grandchildren and one great grandchild.
Trekkers vir Afrika op 60ste verjaardag
Klerksdorp Rekord, Klerksdorp - Jaco en Johann Gouws is al bekend vir hul belangstelling in trekkers - Ferguson en Massey Ferguson trekkers spesifiek.
Dié tweeling het op ‘n plaas in die Ooskaap grootgeword waar hul pa, Kobus, sy eerste Massey Ferguson-trekker in 1962 gekoop het. Sy swaer, Jan Muller, het dieselfde gedoen. Dit was ‘n Massey Ferguson 35. Die tweeling het met die trekkers op die plaas rondgery en kon reeds ploeg en plant voor hulle kon lees en skryf.
Na hul pa se dood in 1996 het Jaco die einste trekker gekoop wat eens aan sy pa behoort het. Johann het ‘n Farmall M trekker gekoop wat sy oupa in 1945 gekoop het. Toe het die gogga gebyt en hulle het begin trekkers koop en restoureer.
Vandag het hulle meer as 60 trekkers en die skaarsste een is die oorspronklike Ferguson TED. Hy het tot sy oorspronklike bykomstighede. Volgens die tweeling is hy die enigste van sy soort in die land en daar is baie min oorsee in ‘n werkende toestand. Sommige trekkers is in hul oorspronklike kondisie en nog nooit oorgeverf nie. Hulle het ook al verskeie pryse gewen vir restourasie waar hulle met die eerste en tweede plekke kan spog!
Maricoboer se Tswanakommentaar het die land aan die praat
deur Waldie Volschenk
Klerksdorp Rekord, Rustenburg - ‘n Afrikaanssprekende boer van Groot-Marico het die land aan die praat en verbaasde Tswanasprekende gemeenskappe aan die luíster met die gemak waarmee hy die afgelope twee dekades al sokker- en rugbykommentaar in Tswana oor die SAUK se radio- en tv-senders laat eggo. Noudat die 2023 Wêreldbeker-rugbytoernooi in Frankryk in volle swang is, het Reinier se Tswanakommentaar egter in ‘n sensasie ontaard.
Reinier Swart is ‘n man wat soos hy dit stel “Tswana kon praat voordat hy sy eie Moedertaal magtig was. “Dit was swaarkryjare, my ma moes kort na my geboorte uitspring om te gaan werk en ek is dikwels in die sorg van werkers en -vroue op die plaas agtergelaat terwyl my pa met die boerdery besig was. Ek is in ‘n stadium (darem nog voorskools) selfs saam met my Tswana-maatjies skool toe waar my gemak met die Tswanataal nog verder gelouter is.”
Reinier onthou hoe hy op skool baie slae gekry het omdat die Afrikaans vir baie maande maar net nie so gemaklik soos die Tswana uit die boeremond wou opklink nie, “maar dit was darem nie te lank voordat ek ‘n gevoel vir my “tweede” taal gekry het nie,” skerts hy.
Burgemeester swig onder druk oor ’n nuwe gedenksteen
Klerksdorp Rekord, Klerksdorp - Die herrie is los oor ‘n gedenksteen wat die Matlosana Munisipaliteit opgerig het ter herinnering aan werknemers wat aan Covid-19 omgekom het.
Dit gaan nie oor die gedenksteen nie, maar oor waar die uitvoerende burgemeester op 25 September die steen onthul het. Reg in die plek van die Groot Trek 1938 Eeufees-gedenksteen wat al ‘n geruime tyd gelede deur vandale middeldeur gebreek is.
More Articles …
