Klerksdorp Rekord, Klerksdorp - Die bekende spanningsverhaalskrywer Christelle Wessels het haar joernalistieke loopbaan by Klerksdorp Rekord begin.
Vandag leef sy haar droom as voltydse skrywer nadat sy vir lank by die Noordwes Koerantgroep gewerk het. Na die publikasie van haar debuutroman ‘Adder’ deur Penguin Random House in 2016 sou sy tevrede wees met een boek, want dit was ‘n droom wat bewaarheid is.
Klerksdorp Rekord, Klerksdorp - Die sesjarige Isabella van der Westhuizen keer nie met leë hande terug uit Amerika nie.
Die skattige donkerkop is op Saterdag 13 Julie as die nuwe Royal International Miss Role Model prinses aangewys. Sy het teen 22 meisies uit verskeie lande meegeding en het ook weggestap met verskeie pryse ondermeer vir die beste nasionale kostuum en beste mode-uitrusting.
Sy het pryse gekry vir die beste plakboek, beste power of the crown konsep en sy is die purple passion wenner. Sy het derde geëindig met haar talent en vir gemaklike kleredrag en is ook die naaswenner in die topmodel kategorie. Sy het ondermeer ‘n studiebeurs gewen en ‘n toekenning vir uitstaande toewyding en prestasie.
Aanhangers van die jong Klerksdorpertjie kon haar deelname aan die internasionale kompetisie op sosiale media volg. Sy het saam met agt ander Suid-Afrikaners van verskillende ouderdomme deelgeneem en is volgens haar ma, Bonita, die enigste Suid-Afrikaner wat ‘n wen teruggebring het.
Die Orkney Snork Nie Oewerfees het die afgelope naweek langs die Vaalrivier plaasgevind en die organiseerders is tevrede met die bywoning. Die fees het op Saterdag 13 Julie by die Visarend Karavaanpark plaasgevind. Irene Louise van Wyk, Prop, Byron Minnie, Victor Bothma, Dirk van der Westhuizen asook Fatman het opgetree. Die organiseerders het gesê hulle beplan reeds die volgende fees en beloof dit sal dan warmer wees. Die datum sal later aangekondig word. Foto: Facebook/Loudmouth Studios.
Die stad se mooiste nooiens is Saterdagaand 6 Julie by die NW Portugese saal gekroon. Salomé Kotzé het die foto’s geneem.
Klerksdorp Rekord, Klerksdorp - ‘n Plaaslike kunstenaar se werk is tans te sien in die Pretoria Kunsmuseum.
Madeleine Travers het twee werke ingeskryf vir Sasol se “New signatures”-kompetisie en een, Marilla, is aanvaar. Sy gebruik akriel as haar medium.
Die werke is tot 3 November op uitstalling. Volgens haar is 143 werke aanvaar. “Ek is in ekstase, Dit is die eerste keer dat ek deelneem. Dit is ‘n groot eer,” sê sy borrelend.
