Klerksdorp Record, Klerksdorp - The South African Social Security Agency (SASSA) has announced that all gold cards will be discontinued at the end of the month.
According to the SASSA national spokesperson, Paseka Letsatsi, the process of changing to Postbank black cards has been extended countless times and they have been left with little choice, but to have the gold cards discontinued.
Die Hervormde Kerk Klerksdorp-Suid het in Januarie sy 42ste bestaansjaar gevier. Die kerk het ‘n nuwe predikant beroep nadat ds Douw Grobler dienste waargeneem het. Ds Joseph Steyn het op 26 Januarie sy intreepreek gelewer. Hy, sy vrou Rosa-Marie en hul vier kinders, Christi, Magdaleen, Joseph jr en Rozelle is heel ingeburger in Klerksdorp.
Klerksdorp Rekord, Klerksdorp - Die Pick n Pay stalletjiemark se eerste beskuitkoningin is aangewys.
Tuiskok Retha Pretorius het op Saterdag 25 Januarie met die louere weggestap met ‘n heerlike gesondheidsbeskuit wat die beoordelaars beindruk het. Die bekende beskuitbakker Tina Greyvenstein het net-net die knie gebuig en het die tweede én derde plek van die kompetisie ingepalm met ‘n tennisbeskuitjie-beskuit en ‘n romany cream-beskuit.
Klerksdorp Rekord, Klerksdorp - AVBOB se tak in Wilkoppies het heropen nadat die gebou se opknappings afgehandel is.
Die huidige hoofbestuurder van AVBOB en nuwe hoofbestuurder was albei teenwoordig. Theo Donges tree eersdaags af en Vusi Khathi sal die leisels nasionaal oorneem. Albei het glasies gelig op die toekoms van AVBOB in Klerksdorp.
Klerksdorp Rekord, Klerksdorp - ‘n Plaaslike model, Marco Steenkamp (27) het Desember stof in die oë geskop van ander hoopvolles om die titel van Mr South of the Equator 2024/25 in te palm.
Die kompetisie is in Durban gehou. Marco het ook die beste nasionale kostuum gedra. Hy het gesê dit is vir hom ‘n groot eer om die titel te wen.
“Die kompetisie was baie sterk en ek het dit glad nie verwag nie. Ek is baie dankbaar aan my familie en vriende wat my ondersteun het.’’
Sy nasionale kostuum het die blou kraanvoël uitgebeeld. Sy boodskap aan jong mense is om altyd hul drome na te streef.
“Dit maak nie saak wat jou agtergrond is nie. Gryp elke geleentheid aan en doen die beste volgens jou vermoë.’’
