Klerksdorp Rekord, Stilfontein - Nala, ‘n Duitse herdershondkruising, vlieg volgende maand Kanada toe. Haar nuwe eienaar bly in Ontario.
Suzette Kotze, eienaar van die Stilfontein/Matlosana Diereskuiling, het reeds ses honde na Kanada gestuur vir aanneming en Nala sal die sewende een wees.
Sy vertel dat ‘n diereliefhebber van Kanada sewe jaar gelede van die skuiling te hore gekom het toe hulle ‘n labrador gered het. Sedertdien het sy gereeld honde aangeneem. “Sy neem gewoonlik die diere aan, wat ons nie maklik kan laat aanneem nie. Ons noem hulle special needs hondjies,” sê Suzette.
Nala is egter ‘n uitsondering. Een van Talitha se dogters verjaar binnekort en sy het gevra om ‘n hond van die skuiling te kry. Die mooie Nala is toe gekies.
Volgens Suzette is dit nie moeilik om diere na Kanada te stuur nie. “Al ons honde is reggemaak en sy is ingeënt en ge-chip.”
