Klerksdorp Rekord, Klerksdorp - ‘n Vryskutskrywer en taalpraktisyn van Klerksdorp is met die Orde van die Beiteltjie vereer. Leoni Benghiat het die toekenning vandeesweek in Klerksdorp ontvang vir haar bevordering van Afrikaans. Die toekenning is in 2015 vir die eerste keer toegeken deur Cordis Trust, ‘n organisasie sonder winsbejag. Dié trust is in 2000 gestig en gefinansier deur dr Fanie Marais as ‘n gedenktrust vir sy dogter, Mardene wat in 1989 op 21-jarige ouderdom oorlede is.