BRITS POS – BRITS – Die dansers van Illusions Dance Studio het met groot sukses aan die semi-finale rondte van die Suid-Afrikaanse International Fine Arts Association (IFAA) deelgeneem en gekwalifiseer om in September aan die finale rondte deel te neem.
Die dansers, Ivanka Fourie, Nicola Zondagh, Miane Biddulph, Karla Zondagh, Ria-Mari Eveleigh, Aileen Fourie, Esthea Fourie, Monine Pretorius en Lené Faurie gaan van 12 tot 14 September in Pretoria aan die finale rondte deelneem en volgens hul afrigter, Madré Zondagh is die meisies doelgerig en gedrewe om hul nasionale kleure te verwerf.
‘n Nuwe era van skaaktalent
BRITS POS – BRITS – Die Bojanala Skaakfederasie se Clash of Schools 2024 is onlangs oor twee naweke in Rustenburg gehou waar die jongste skaaksterre in dié streek hulle vaardighede teen ander skole ten toon gestel het. Laerskole wys hul krag
Die laerskoolkompetisie is 20 Julie gehou en almal verras met die indrukwekkende vertonings van Laerskool Brits.
Veterane vier suksesvolle seisoen
BRITS POS – BRITS – Brits Krieketklub se o.40 Veterane span, ook bekend as die Brits Intertoy Toyota Veterane (Brits Legends), het vanjaar weer eens ‘n uitstekende seisoen in die Northern Titans Veterans Premier Liga gehad.
Die span het uitnemende krieket in die T20-, T30- en T40-ligas gespeel. In die T20- en T30-liga het Brits tot in die halfeindrondte gevorder, maar dit was in die T40-liga waar hulle hul staal gewys het, deur onoorwonne te bly en as die algehele Premier Liga-kampioene uit die stryd te tree.
SHAUN WILLIAMS In Blitsbokspan vir 2024 Olimpiese Spele
BRITS POS – BRITS – Gevra wat Shaun (26) vir homself in die vooruitsig stel, het hy onlangs gesê: “Om week vir week, toernooi vir toernooi my beste te gee en om momentum op te bou en hopelik vir die Olimpiese Spele Blitsbokspan gekies te word.”
Baie geluk Shaun, jy maak ons trots met jou insluiting in die Blitsbokspan wat eersdaags na Parys in Frankryk vertrek om aan die 2024 Olimpiese Spele 7’s-toernooi deel te neem.
Kayleigh, ‘n talentvolle gimnas
BRITS POS – BRITS – Kayleigh Jansen (12), ‘n talentvolle gimnas van Brits Gimnastiekklub het puik uitslae tydens die Noordwes kwalifiserende rondte, onlangs in Klerksdorp behaal.
Sy het aan vier items deelgeneem en haar uitslae (uit 10) is: Vloer (8.90), Sprong (8.95), Balk (7.20) en Brug (8.90). Met dié uitstekende punte, het sy gekwalifiseer om 9 en 10 Augustus aan die Noordwes-gimnastiekkampioenskappe, wat weer in Klerksdorp aangebied word, deel te neem.
More Articles …
