Die Village Mashie gholfklub op Vaal Reefs het sy “Captain’s Cup” op 1 en 2 Februarie aangebied. Die spelers het in spanne van twee elk deelgeneem. Pieter Korkie en Piet Oelofse (derde), Heinrich Scheepers en Willem Scheepers (wenners) en Johan Ludik en Louis van Deventer (tweede).
Klerksdorp Rekord, Klerksdorp - ‘n Opwindende nuwe multi-sportbaan by die Garden Bridge bied iets vir alle sportentoesiaste in Klerksdorp.
Dié speelplek vir aktiewe mense is op Saterdag 1 Februarie amptelik geopen met ‘n dag van aksie en pret waarin verskeie spanne teen mekaar meegeding het.
Die volgende swemmers van Klerksdorp neem op Saterdag 1 Februarie deel aan Lewensredding SA se oopwater nasionale kampioenskap. Hulle neem vir Tuks deel. Dit vind op Olifantsfontein plaas. Hulle is Amber Travis, AJ Brits, Marnitz van der Berg, Juan Brits, (middel) Mikah du Toit, Christoff Botha, Kayden Mulder, Ethan van der Westhuizen en (voor) Francois Fick, Henro Smit en Theodore Mulder.
Klerksdorp Rekord, Ottosdal - Ottosdal het die afgelope naweek gelewe met fietsryers en atlete wat na die plattelandse dorp gestroom het.
Dit was tyd vir die jaarlikse Draf-en Trap en volgens die organiseerder, Willa Naudé, was dit weereens ‘n groot sukses. “Sowat 1 600 mense het voor die groot dag (25 Januarie) ingeskryf en honderde op die dag van die byeenkoms,” het sy gesê. Brandon Downes, ‘n professionele fietsryer van Johannesburg, het die 120 km ren gewen. Sy tyd was 03:02.
Klerksdorpers het ook in groot getalle opgedaag en fietsryers Dusty Day was vierde, Egon Campbell 14de en Tyler Day 22ste.
Die marathon is deur Tshepo Gavu gewen. Sy tyd was 02:31:27.
Die marathon is ‘n amptelike kwalifiseerder vir die Twee Oseane en Comrades marathons.
Klerksdorp Rekord, Ottosdal - Die 31ste Draf-en-Trap op die nabygeleë dorp vind die naweek plaas en die dorp gaan bars uit sy nate.
Volgens die hooforganiseerder, Willa Naudé, is sowat 1 600 voorafinskrywings ontvang vir die byeenkoms op Saterdag 25 Januarie.
