Klerksdorp Rekord, Klerksdorp - Die Hervormde Kerk Doringkruin bied ‘n groot lentefees aan by die kerk op Vrydag 30 Augustus en Saterdag 31 Augustus. 

Die kerk is geleë op die hoek van Boekenhout- en Hibiscusstraat in Doringkruin. Smaaklike eetgoed soos kerrie en rys, vetkoeke en paninis, pannekoek, wors op ‘n stok, nagereg, heerlike koeke en terte, hoeder- en beessosaties, worsbroodjies, koeldrank en baie meer sal te koop wees.

Elke oggend skop af met ‘n heerlike ontbyt en koffie van 06:00 tot 08:30. Die kosstalletjies open om 08:00 en daar sal ook ‘n kuiertuin wees om te sit en eet of sommer net te ontspan. 

Klerksdorp Record, Klerksdorp - Two of the top fashion designers showcased at the Miss South Africa 2024 finale, studied in Klerksdorp.

Anel Botha and Gert-Johan Coetzee are both North West School of Design alumni. Anel also grew up in Klerksdorp and even though her design studio has moved to Johannesburg, she still owns a boutique in town.

This year, she celebrated a decade of being an official sponsor for the Miss SA organisation and the third year of dressing the finalists for the pageant. She dressed the top five finalists in the final scene and the newly crowned Miss South Africa, Mia le Roux looked glamorous in her sparkling evening gown.

Klerksdorp Rekord, Klerksdorp - Die kunstenaars wat verlede jaar by die Opskopfees Piet Retief opgetree het, kom kuier op 4 Oktober by Mayfair Village.

Volgens die organiseerder, Audrey Bierman, sal daar van dieselfde kunstenaars wees, maar “ons wil dit darem ook interessant en opwindend hou”. Mayfair Village is tussen Klerksdorp en Orkney geleë.

Klerksdorp Rekord, Viljoenskroon - Overvaal Stereo 96.1fm se Ignaz Streicher is een van die bekendste radiostemme in die omgewing.

Hy is verlede week tydens die jaarlikse Afri-Indie onafhanklike musiektoekennings by die AfriForum teater met ‘n ere-toekenning vereer vir die rol wat hy die afgelope 23 jaar in die vermaakliksheidsbedryf speel.

Tydens die oorhandiging het die organiseerder, Rea le Roux, hom bedank vir elke fees en funksie wat oor die jare bygewoon is. “Hy is eerste om op te daag en weer laaste om te gaan. Kunstenaars se reaksie was oorweldigend positief toe ons besluit het om hom te vereer.” 

Sy het hom ook bedank vir die rol wat hy gespeel het tydens die afsterwe van Thys die Bosveldklong.

Streicher het die toekenning opgedra aan sy kollegas en gesê hy ontvang dit namens elke gemeenskapsradiostasie in die land wat “bitter hard werk vir bitter min geld en bitter min erkenning”.

Tydens die geleentheid is kunstenaars soos Gerhard Steyn, Johan Stemmet, David Kramer, Dozi en Nādine, David Fourie en Karen Houghaard ook vereer.

Streicher het in Klerksdorp grootgeword en het sy loopbaan by Overvaal Stereo in 2005 begin. 

Hy bestuur tans die radiostasie.