Klerksdorp Rekord, Klerksdorp - Die gemeenskap het in groot getalle opgedaag by die Pick n Pay-stalletjiemark verlede naweek.
Volgens die organiseerder, Tinus van Staden, was die mark op Saterdag 28 Junie een van die grootste markte van die jaar.
“Die mense het weereens bewys hulle kan hul harte en beursies in nood oopmaak. Die fondsinsameling ten bate van die Orkney/Klerksdorp Animal Shelter was ‘n reuse sukses. Die mikpunt was R5 000, maar meer as R13 000 is ingesamel,” sê hy.
Klerksdorp Rekord, Hartbeesfontein - Pyporrels in Suid-Afrika is nie net majestueuse musiek-instrumente nie, maar word geag as waardevolle, kulturele en historiese artifakte.
Na ‘n uiters suksesvolle orrel-uitvoering in die NG Kerk Hartebeestfontein verlede jaar, het die plaaslike ATKV-tak besluit om dit ‘n jaarlikse instelling te maak om die wonderlike orrel-erfenis van die plaaslike gemeente en die vaardigheid van orrelspel, met inwoners van omliggende dorpe te deel.
Klerksdorp Rekord, Klerksdorp - NG Welsyn se jaarlikse Vrouedag oggendtee lê voor die deur en gasvroue is druk besig om kaartjies vir die geselligheid te verkoop.
Die tee vind plaas op 16 Augustus, 9:00 vir 9:30 by C’est La Belle in Vleistraat. Kaartjies is R280 per persoon wat ’n heerlike ligte ete insluit. Dit sal ook die eerste keer wees wat Liezel Pieters in Klerksdorp optree. Sy is een van die grootste stemme in Afrikaans en opgewonde oor haar optrede by die oggendtee.
In Mei 2024 het sy die enkelsnit “Sterre” vrygestel. Sy het ook saamgewerk met Juanita du Plessis en JAN JAN JAN aan die Suid-Afrikaanse weergawe van “Africa,” wat in 2024 uitgereik is. Die uitreiking van haar debuutalbum, Sing Uit My Hart Uit, in 2017, staan vir haar uit as een van haar hoogtepunte en treffers soos Asemloos en Miljoene Druppels is op dié album ingesluit.
Sing Uit My Hart Uit is ook bekroon met ’n Ghoema-toekenning vir die Beste Kontemporêre Album deur ’n vroulike kunstenaar in 2018. Die musiekvideo vir haar treffer, Asemloos, het reeds 2 miljoen kyke op YouTube geniet terwyl Droë Riviere al 1,6 miljoen kere gekyk is.
“As kind het ek deelgeneem aan al wat ’n sangkompetisie en revue was en ek is so dankbaar oor waar ek myself nou bevind met my sangloopbaan,” gesels sy. Liezel hou haar konserte energiek en konsert- en feesgangers geniet veral ook die insluiting van goue treffers uit die tagtiger- en negentigerjare. Haar vertolking van dié treffers is in die kol en herinner aan ’n Belinda Carlisle-optrede.
Vir kaartjies, skakel San-Marie Keyser of Lorinda Pretorius by 018 462 9887/8.
Klerksdorp Record, Klerksdorp - Children with autism attending the Ligbron Independent school in Wilkoppies will soon benefit from a sustainable flower and vegetable garden that will be therapeutic and educational all in one.
The NewBridge Graduate Institute (NGI) Klerksdorp Campus recently completed phase one of this ongoing “Nature’s Nook for Kids”. The first phase project ran over two days with the group of students and staff volunteers transforming the section of the school yard identified for the garden.
Sedert Klerksdorp se ontstaan in 1837 (toe 12 Voortrekker gesinne hulle tussen Oudorp Koppies en Skoonspruit gevestig het in wat ons vandag ken as Klerksdorp Oudorp), was die stad niks meer as ʼn klein plattelandse nedersetting nie. Klerksdorp Museum se historikus verskaf ‘n blik op die vroeë goudmynbedryf in Klerksdorp.
Klerksdorp Rekord, Klerksdorp - Mens kon Klerksdorp beswaarlik ʼn dorp noem, aangesien dit slegs een straat (Hendrik Potgieterstraat, die wapad wat voor die klein aantal huise se voordeure verbygeloop het), en enkele ander geboue soos die kerk en Taylor en Leask Algemene Handelaar gehad het.
