Wat sou die donkie sê, as hy dalk kon praat? Dit is die vraag wat Zet Havenga, kurator van The B Gallery in Klerksdorp wil hê mense moet oor nadink. Die donkie is die enigste dier met ‘n kruis op sy rug en ook die dier waarop Jesus in Jerusalem ingery het. Die kunsuitstalling met die hooftema Paasfees het Vrydagaand 11 April op ‘n luisterryke wyse geopen met ondermeer ‘n voordrag deur studente van Dramatique drama-akademie. Die uitstalling kan vir nog drie maande besigtig word. ‘n Gedeelte van die kunsverkope word ook geskenk aan ‘n donkie herberg by Hartbeespoortdam.

Klerksdorp Rekord, Klerksdorp - Kom eet kos soos ouma dit gemaak het en kyk hoe oupa op die plaas gewerk het. 

Die Triestsentrum bied die Toekafees op 31 Mei aan en dit beloof om jou terug in tyd te neem. 

Deur Danie Jacobs

Klerksdorp Rekord, Klerksdorp - Wat doen jy as jy hoor jy moet jou huis ontruim? Hoe lank het jy? Wat vat jy en wat los jy? En hoe voel dit om weg te loop terwyl jy weet binne ‘n paar uur sal duisende liters modderige water deur jou huis stroom?

Klerksdorp Rekord het met Arthur Keefe gepraat. Hy is ‘n bestuurslid van die Gliding Club, langs die Vaalrivier, en woon bykans 55 jaar langs die rivier. In die tyd het hy al verskeie kere sy eiendom ontruim weens vloedwater. “Dit is verskriklik traumaties. En dit raak nie beter nie, maar dis iets wat ons mee moet saamleef. As jy so naby aan ‘n groot rivier bly, is daar altyd daardie moontlikheid. Dit maak dit net nooit makliker nie. Soms werk die weer teen ons, soos nou met al die buitengewone reënval. Ons het al gevalle gehad met 14 sluise by die Vaaldam wat oop was en ons hoef nie te ontruim het nie,” vertel hy.

Klerksdorp Rekord, Klerksdorp - Die Rotariërs van Orkney het een van die huise by die Rethabile Kinderhuis opgeknap. 

Die projek het ‘n eens verwaarloosde “Huis Vergeet My Nie” in ‘n veilige en waardige ruimte vir kwesbare kinders omskep.