Klerksdorp Record - School News

Super 8 trofeë pryk by Laerskool La Hoff

Laerskool La Hoff het tydens die Super 8 Rugby- en netbalreeks, puik gevaar en is as algehele wenners aangewys. Dihan Booyens (eerstespan kaptein), André Ouwencamp (eerstepan afrigter), Errie Jansen van Rensburg (rugby-organiseerder), Anton Smith (skoolhoof), Karlene Venter (netbalorganiseerder), Sharia Leyland (eerste netbalspan afrigter) en Alexis te Brugge (eerste netbalspankaptein) het die trofeë namens die skool ontvang. Die skool se o/10 en o/11 rugbyspanne is ook as wenners aangewys met die o/11 en eerste netbalspan wat as naaswenners aangewys is.

Hokkiebokkies in NW-span

Vier hokkiespelers van Laerskool Saamtrek is in die o/12 Noordwes-hokkiespan opgeneem. Hulle is Franco de Lange, Miané Schutte, Izelle Scholtz en Carmiya Crous.

Goeie uitslae vir boogskiet

Leerlinge van Laerskool Goudkop het die afgelope naweek aan ‘n boogskietkompetisie op Schweizer Reneke deelgeneem en goeie uitslae behaal. Hulle is Kyle van Staden (derde), Juan Bezuidenhout (eerste), Logan Bezuidenhout (eerste) en Helenza Harmse (tweede).

Sukses na proewe

Laerskool Goudkop se o/13 en o/12 netbalspelers is by die APO-proewe gekeur. Voor is Elhandri Potgieter, Nina Brand, Amoné van der Walt, Megan Harmse en agter is René le Roux, Miané Randall en Mieke Venter.

Hokkiespelers in NW-span

Drie leerlinge van Laerskool President het Noordwes klere verwerf in hokkie. Hulle is Suresh Adams (o/13), Reighley Sheba (o/13) en Altinio Regovan (o/12).