GEMSBOK-UPINGTON: Die ontdekking van kisdeksels en sakke met veraste oorskot het die afgelope week baie gemengde gevoelens by die Upingtonse publiek ontlok.
Dit volg nadat die departement van Landbou, Omgewingsake, Landelike Ontwikkeling en Grondhervorming ‘n persverklaring uitgereik het oor die sogenaamde grufonds wat hulle op die De Duine Vullistortingsterrein ontdek het.
Die persverklaring vertel wel nie die volle storie nie. Sou enige van die ander aan die Suid-Afrikaanse Persraad se vereistes vir betroubare joernalistiek voldoen het en die moeite gedoen het om aan die Upington Krematorium die geleentheid te gee om hul kant van die saak te stel, sou die publiek dalk ‘n heel ander prentjie van die insident gehad het.
Nadat ‘n inwoner van Upington homself onlangs na die Gemsbok gewend het, toe hy op - wat vir hom soos veraste menslike oorskot en doodskis deksels gelyk het - op die De Duine vullisterrein ontdek het, het die Gemsbok met die omgewingsgesondheidsafdeling op Upington kontak gemaak. Aanvanklik was die inspekteurs betrokke onseker hoe die situasie hanteer moes word en wat die wet daaroor bepaal.
Mans gestraf vir ontvoering en verkragting van 11-jarige
GEMSBOK-KATHU: Drie mans is die afgelope week swaar gestraf in die Kathu-streekhof, ná die verkragting en ontvoering van ’n 11-jarige meisie.
Op 02 Junie 2013 omstreeks 13:00 was die slagoffer by ‘n snoepie in Kuruman, toe sy deur die drie beskuldigdes aangerand is, wat haar verskeie kere agter die perseel en weer by ‘n nabygeleë stadion verkrag het.
Die verdagtes het gevlug en is tussen Junie 2020 en Oktober 2021 ná ’n lang ondersoek in hegtenis geneem.
Koalisiepolitiek in die Noord-Kaap??
GEMSBOK-UPINGTON: In die nasleep van die Noord-Kaapse verkiesings, staan die provinsie op ‘n kritieke tydstip - met geen enkele party wat ‘n volstrekte meerderheid het nie. Die ANC in die Noord-Kaap het sy volstrekte meerderheid in die provinsiale wetgewer verloor.
Die nuweling, die Patriotic Alliance, het drie setels in die provinsie gekry, die DA het sewe setels, die EFF vier terwyl Vryheidsfront Plus hul enigste setel behou het.
Die wetgewer het dertig setels.
Koalisiegesprekke sal in alle erns moet begin vir die partye om in die komende dae ’n regering te vorm.
Partye sê die koalisies moet mense van die provinsie eerste stel.
Klere met vervalste handelsmerke gevind
GEMSBOK-UPINGTON: Die SAPD in die ZFM-distrik se deelname aan die Operasie Shanela-aktiwiteite het weereens vrugte afgewerp nadat lede van Upington Grenspolisie en Upington K9-eenheid (honde-eenheid) op Vrydag, 24 Mei 2024, in samewerking met die handelsmerkbeskermers (wat deur Spoor en Fischer verteenwoordig word), op ‘n winkel in Upington toegeslaan het.
Daar is beslag gelê op vervalste klere ter waarde van R 414 700.
Die eienaar van die winkel is deur die handelsmerkbeskermers in kennis gestel.
Die items waarop beslag gelê is, is aan die handelsmerkbeskermer oorhandig vir verdere ondersoek.
Onwettige vuurwapens gevind
GEMSBOK-UPINGTON: Daar skyn ‘n toename in onwettige vuurwapens in die provinsie te wees.
Skaars ‘n week gaan verby waarin die polisie nie op een of meer onwettige vuurwapens en/of ammunisie beslag lê nie.
In die nuutste twee voorvalle het die vinnige optrede van die SAPD gelei tot die herwinning van onwettige vuurwapens, ammunisie en gevaarlike wapens.
Tydens die uitvoering van Operasie Shanela op 25 Mei 2024 het die lede van die Kakamas Sigbare Polisiëring Taakspan inligting ontvang oor die onwettige besit van vuurwapens en ammunisie.
More Articles …
