POSTMASBURG: Speurders van die Postmasburg Gesinsgeweld-, Kinderbeskermings- en Seksuele Misdrywe-eenheid (GVS) het vinnig gereageer op ‘n bekommerde gemeenskapslid, wat ‘n moeder aangemeld het wat onlangs in die Marantheng-nedersetting in Postmasburg, fisies gesien is terwyl sy haar twee maande oue babaseuntjie mishandel het.
‘n Videogreep wat die mishandeling uitbeeld, het op 31 Mei 2025 op sosiale mediaplatforms versprei, wat gelei het tot die polisie se vinnige reaksie op hierdie ernstige voorval.
Oud-polisieman in hof oor R1,2 milj transaksies
GEMSBOK-UPINGTON: Die Valke se ondersoekbeampte vir ernstige korrupsie het op Woensdag 28 Mei 2025 die voormalige polisiebeampte, luitenant-kolonel Pieter Andries Nel, by sy woonplek in Upington gearresteer.
Luitenant-kolonel Nel was die hoof van finansiële dienste - SAPD by die ZF Mgcawu-distrik in Upington, getaak met die magtiging van betalings aan diensverskaffers, en die verblyf en reise van polisielede binne die Upington-distrik.
Moord en geweld neem toe in Noord-Kaap
GEMSBOK-UPINGTON: Nadat die Noord-Kaap die enigste provinsie was wat toenames in moord- en kontakmisdade aangeteken het, heers die hoop dat die Noord-Kaapse Polisiekommissaris, luitenant genl Koliswa Otola, die SAPD se planne om geweldsmisdaad te verminder, by die provinsiale misdaadstatistiek-inligtingsessie volgende week voor sal lê.
Volgens die Vierde Kwartaallikse verslag vir 2024/25 het kontakmisdaad ‘n toename van 72 gevalle getoon, met moord wat ‘n toename van 21 gevalle weerspieël, in vergelyking met dieselfde tyd verlede jaar.
Kakamas-polisiestasie het ook by Galeshewe, Kimberley en Rosedale-polisiestasies op die top-30-lys vir poging-tot-moord klagtes aangesluit.
Noord-Kaapse lykshuise oorweldig deur onopgeëiste lyke
GEMSBOK-UPINGTON: Werkers by staatslykshuise in die Noord-Kaap staar ‘n groeiende krisis in die gesig, namate onopgeëiste en ongeïdentifiseerde lyke fasiliteite oorweldig, wat gesondheidsrisiko’s en operasionele uitdagings skep.
Lykshuispersoneel, wat verkies om anoniem te bly, het die situasie as “kommerwekkend” beskryf en ernstige personeeltekorte en verslegtende werksomstandighede genoem.
Sedert 2024 sukkel provinsies regoor Suid-Afrika met ‘n agterstand van onopgeëiste lyke in staatslykshuise.
In sommige gevalle het lyke na bewering al sedert 2014 onopgehaal gebly.
Sulliman onskuldig en terug in die tuig
GEMSBOK-UPINGTON: Nadat hy in 2023 ‘n sosialemedia-plasing oor die verval van die Sakkie se Arkie terrein gemaak het - het Igshaan Sulliman, ‘n amptenaar van die Dawid Kruiper Munisipaliteit, nie net ‘n jarelange regsproses na sy skorsing uit sy pos by DKM verduur nie - maar hy het dit op homself geneem om dienslewerings tekorte van die munisipaliteit en ander staatsinstansies nou onder die vergrootglas te bring.
Na afloop van die video - waarin ‘n erg ontstoke Sulliman die DKM besluitnemers en rolspelers by die naam roep om verantwoording te doen oor die agteruitgang van die dorp se publieke oorde - in spesifiek die terrein waar Sakkie se Arkie vasmeer - is hy uit sy pos geskors met 18 dissipinêre klagtes teen hom.
More Articles …
