GEMSBOK-UPINGTON:  Na ‘n jare-lange hofstryd tussen Sakkie Spangenberg (Oranje Watersport), wat met tender bedrog begin het en daarna in ‘n uitsettingsbevel geëindig het,  lyk dit of die drukkoker  se deksel nie meer die konflik binne kan hou nie.
Dit volg nadat Sakkie die afgelope naweek verskeie videos op sosiale media geplaas het, waarin daar uitgebeeld word dat hy deur verskeie mans aangerand is. 
Die oorspronklike perseel vanwaar Sakkie vir 27 jaar reeds die Arkie bedryf, blyk weereens die middelpunt van die bakleiery te wees.Nadat Dawid Kruiper Munisipaliteit die uitsettingsbevel teen Oranje Watersport gewen, wat beteken dat Sakkie Spangenberg, Olivierpark binne minder as 60 dae moes ontruim.
 Is daar glo met onderhandelinge aan Sakkie gesê dat hy steeds die arkie op die perseel kan vasmeer en dat DKM aan hom ten minste drie maande kennis sal gee, wanneer hy daar moet padgee.
Ten spyte van verskeie gerugte oor wie nou  oor die perseel koning kraai, lê die grond al vir ‘n jaar dormant.
Die rivierwal is beskadig gedurende die mees onlangse vloede. Die swembad is leeg. Die gras is dood en die ablusie geriewe blyk dieselfde lot as alle openbare munisipale geriewe te ly.

GEMSBOK-UPINGTON: Die LUR Vervoer, Veiligheid en Skakeling, mnr Bentley Vass het onlangs in sy begrotingsrede gesê dat die totale begroting wat vir die departement toegeken is, is net meer as  R348 247 000.
In reaksie op die huidige benarde finansiële posisie waarmee die provinsie te kampe het, het die Noord-Kaapse Provinsiale Tesourie die toekenning hersien deur begrotingsbesnoeiings van R4 miljoen in te stel, wat die begroting effektief tot R344 miljoen verminder het.
 Administrasie word meer as R128 miljoen (R128 215 000) toegeken.
Burgerlike Toesig het sowat R30 miljoen (30 106 000) ontvang
Vervoerbedrywighede word sowat R87 miljoen (R87 520 000) toegeken.
Vervoerregulasies bewillig sowat R 102 miljoen (R 102, 406, 000)

GEMSBOK-UPINGTON: Polisiewoordvoerder, sers Omphile Masegela, het gesê dat Operasie Shanela in die ZF Mgcawu-distrik die afgelope week aansienlike resultate gelewer het.
Twee vroue is met dagga ter waarde van R603 750 in Kakamas in hegtenis geneem en daar is op onwettige drankwinkels in Paballelo en Rosedale toegeslaan en beslag gelê op R11 000 se drank as deel van Operasie Shanela.
‘n Vinnige reaksie deur lede van die Kakamas SAPD op 25 September het gelei tot die arrestasie van twee vroue wat met ‘n groot stapel dagga betrap is.
Te danke aan ‘n wenk, het die beamptes die verdagtes (onderskeidelik 32 en 40 jaar oud) wat  groot sakke gedra het, deursoek. 
Binne het hulle dagga met ‘n geraamde straatwaarde van R603 750 ontdek. 

GEMSBOK-KURUMAN: Die Kongres van Suid-Afrikaanse Vakbonde (COSATU) in die Noord-Kaap, is verstom en teleur-gesteld oor die nuus van onwettige handel in edelstene na bewering deur die bestuur van Assmang-myn naby Kuruman in die Noord-Kaap.
Volgens berigte is ‘n onwettige besending van  edelstene na bewering van ‘n myn - wat medebesit is deur een van Patrice Motsepe se maatskappye, vroeër vanjaar deur die Suid-Afrikaanse Inkomstediens (SAID) gekeer om OR Tambo Internasionale Lughawe na Hongkong en China te vertrek. 
Die smokkelary, wat deur ‘n Asiatiese man uit die land gesmokkel is, is deur amptenare van die SAID se doeane-afdeling onderskep nadat hulle ‘n wenk van fluitjieblasers ontvang het.